چھندواڑہ، 5 اپریل : مدھیہ پردیش کے وزیر اعلی کمل ناتھ نو اپریل کو چھندواڑہ اسمبلی کے ضمنی انتخاب کے لئے اپنا پرچہ نامزدگی داخل کریں گے۔
وزیر اعلی کمل ناتھ کے میڈیا کوآرڈینیٹر نریندر سلوجا نے بتایا کہ وزیر اعلی مسٹر کمل ناتھ آج سے چھندواڑہ کے چار روزہ دورے پر رہیں گے۔ وہ نو تاریخ کو اپنا پرچہ نامزدگی داخل کریں گے۔
مسٹر کمل ناتھ کو گزشتہ روز ہی آ ل انڈیا کانگریس کمیٹی کی جانب سے چھندواڑہ اسمبلی کے ضمنی انتخاب کے لئے اپنا امیدوار بنانے کا ا علان کیا ہے۔ چھندواڑہ اسمبلی کے لئے 23 اپریل کو ووٹنگ ہونی ہے ۔ نتیجہ 23 مئی کو آئے گا۔
یواین آئی ۔
