ماسکو،یکم اپریل :  روس کی ایئر لائنز ایس -7 کی شریک مالکن نتاليہ فلیوا کی اتوار کو وسطی جرمنی میں ایک طیارہ حادثے میں موت ہو گئی. کمپنی کے ذرائع نے اسپوتنك کو اس بات کی اطلاع دی۔جرمنی کے اخبار’ بلڈ ‘کی رپورٹ کے مطابق چھ سیٹوں والا ہلکا طیارہ ایغول باخ میں اتوار کو دوپہر بعد گر کر تباہ ہوگیا۔
ذرائع نے کہا’’نتالیہ اور ان کے والد کی اس حادثے میں موت ہو گئی۔ دونوں علاج کے لئے جرمنی جا رہے تھے‘‘۔تاہم ذرائع نےایس -7 کے ڈائرکٹر جنرل ولادیسلیو و کے طیارے میں ہونے کی خبر وں کی تردید کی ہے۔
سپوتنك کے ذرائع نے کہا کہ طیارے میں پائلٹ سمیت تین افراد سوار تھے جو روس کے شہری تھے۔
انہوں نے کہا’’31 مارچ 2019 کو ایس -7 کی شریک مالكن نتالیہ فلیوا کا ہوائی جہاز جب ایغول باخ ہوائی اڈے پر اترنے والا تھا تب ہی حادثے کا شکار ہو گیا ۔ حادثہ کے وقت ان کی 55 سال تھی۔ حادثے کے اسباب کے بارے میں ابھی پتہ نہیں چل سکا ہے‘‘۔
ہوائی جہاز کمپنی نے کہا کہ اس حادثے کی تحقیقات بین الاقوامی کمیشن اور روسي فضائی سیکورٹی کے افسران کریں گے۔
اسپوتنک