سری نگر: وادی کشمیر میں شبانہ درجہ حرارت ایک بار پھر نقطہ انجماد سے کافی نیچے ریکارڈ ہوا ہے جس کے نتیجے میں سردیوں کا زور تیز تر ہوا ہے۔
گرمائی دارالحکومت سری نگر میں کم سے کم درجہ حرارت منفی4.1 ڈگری سینٹی گریڈ ریکارڈ ہوا ہے جہاں گذشتہ شب کا درجہ حرارت 0.4 ڈگری سینٹی گریڈ ریکارڈ ہوا تھا۔
وادی میں شوپیاں، پلوامہ، پامپور، بارہمولہ اور اننت ناگ سرد ترین علاقے رہے ہیں جہاں کم سے کم درجہ حرارت بالترتیب منفی6.4 ڈگری سینٹی گریڈ، منفی5.2 ڈگری سینٹی گریڈ، منفی5.2 ڈگری سینٹی گریڈ، منفی5.1 ڈگری سینٹی گریڈ اور منفی4.9 ڈگری سینٹی گریڈ ریکارڈ ہوا ہے۔
سرحدی ضلع کپوارہ میں کم سے کم درجہ حرارت منفی3.5 ڈگری سینٹی گریڈ جبکہ گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت منفی4.2 ڈگری سینٹی گریڈ ریکارڈ ہوا ہے۔سری نگر ہوائی اڈے پر کم سے کم درجہ حرارت منفی4.8 ڈگری سینٹی گریڈ ریکارڈ ہوا ہے۔
وادی کے سیاحتی مقامات پہلگام، گلمرگ اور سونہ مرگ میں کم سے کم درجہ حرارت بالترتیب منفی4.4 ڈگری سینٹی گریڈ، منفی2.6 ڈگری سینٹی گریڈ اور منفی3.0 ڈگری سینٹی گریڈ ریکارڈ ہوا ہے۔وسطی کشمیر کے بڈگام اور گاندربل اضلاع میں کم سے کم درجہ حرارت بالترتیب منفی4.1 ڈگری سینٹی گریڈ اور منفی3.1 ڈگری سینٹی گریڈ ریکارڈ ہوا ہے۔
شمالی کشمیر کے ضلع بانڈی پورہ میں کم سے کم درجہ حرارت منفی3.4 ڈگری سینٹی گریڈ جبکہ جنوبی کشمیر کے ضلع کولگام میں شبانہ درجہ حرارت منفی1.2 ڈگری سینٹی گریڈ ریکارڈ ہوا ہے۔
محکمہ موسمیات کے مطابق وادی میں 15 دسمبر تک موسم میں کسی بڑی تبدیلی کا کوئی امکان نہیں ہے۔
