نئی دہلی، 20 نومبر: کانگریس لیڈر راہل گاندھی نے وزیر اعظم کا نام لیے بغیر ان کو ہدف تنقید بنایا اور کہا کہ اگر کانگریس اقتدار میں ہوتی تو ہندوستان کے وزیر اعظم بھی چینی صدر شی جن پنگ، روسی صدر ولادیمیر پوتن اور امریکی صدر ڈونلڈ ٹرمپ کے ساتھ مذاکرات کی میز پر بیٹھے ہوتے۔
مسٹر گاندھی نے وزیر اعظم نریندر مودی پر سمجھوتہ کرنے کا الزام لگایا اور کہا کہ یہی وجہ ہے کہ انہیں ان تینوں لیڈروں کے ساتھ مذاکرات کی میز پر جگہ نہیں ملی۔
انہوں نے جمعے کو سوشل میڈیا پر ایک تصویر پوسٹ کی جس میں ژی جن پنگ، مسٹر پوتن اور مسٹر ٹرمپ کو 19 نومبر کو چین کے شہر شینزین میں کیلیان ولا میں ایک میٹنگ میں شرکت کرتے ہوئے دکھایا گیا ہے۔ یہ ملاقات ایشیا پیسیفک اکنامک کوآپریشن (APEC) سربراہی اجلاس کے موقع پر ہوئی۔
مسٹر گاندھی نے اس کے ساتھ لکھا، "اگر کانگریس اقتدار میں ہوتی تو ہندوستان کے وزیر اعظم اس میز پر بیٹھے ہوتے۔ ایک وزیر اعظم جو سمجھوتہ کرتا ہے اس میز پر کبھی نہیں بیٹھ سکتا۔”
یو این آئی