سری نگر، 10 نومبر: سری نگر کے صورہ علاقے میں احمد نگر کے قریب پیر کی دیر شام ایک گاڑی کی ٹکر سے زخمی ہونے والا 27 سالہ اسکوٹی سوار منگل کی صبح زخموں کی تاب نہ لاتے ہوئے دم توڑ گیا۔
ایک عہدیدار نے بتایا کہ پیر کے روز صورہ کے عمرہیر علاقے میں ایک گاڑی نے اسکوٹی کو ٹکر مار دی، جس کے نتیجے میں اس پر سوار کم از کم تین افراد زخمی ہوگئے۔
انہوں نے بتایا کہ زخمیوں کو علاج کے لیے سری نگر کے ایک اسپتال منتقل کیا گیا، جہاں ان میں سے ایک نے منگل کی صبح زخموں کی تاب نہ لاتے ہوئے دم توڑ دیا، جبکہ دیگر دو زخمیوں کا علاج جاری ہے۔
متوفی کی شناخت بشیر احمد خان ولد غلام نبی خان ساکن کھیتنگن، بارہمولہ کے طور پر ہوئی ہے۔ جبکہ زخمیوں کی شناخت منظور احمد خان اور معراج الدین وانی ساکنان شیری، بارہمولہ کے طور پر کی گئی ہے۔
دریں اثنا، حکام نے واقعے کا نوٹس لیتے ہوئے تحقیقات شروع کر دی ہیں۔
