سری نگر: جموں و کشمیر میں چار راجیہ سبھا نشستوں کے لئے ووٹنگ کا عمل جمعہ کی صبح یہاں اسمبلی کیمپلکس میں شروع ہوا۔تفصیلات کے مطابق وزیر اعلیٰ عمر عبداللہ، نائب وزیر اعلیٰ سریندر چودھری اور دیگر وزرا و اراکین اسمبلی صبح سے اسمبلی کیمپلکس پہنچنا شروع ہوئے۔
حکام کے مطابق ووٹنگ اسمبلی کمپلیکس میں قائم تین الگ الگ پولنگ بوتھوں پر صبح 9 بجے سے شام 4 بجے تک ہوگی۔ ووٹوں کی گنتی شام 5 بجے شروع ہوگی اور توقع ہے کہ یہ چند ہی منٹوں میں مکمل ہو جائے گی۔
سیاسی تجزیہ کاروں کے مطابق نیشنل کانفرنس کی تین نشستوں پر کامیابی یقینی ہے، تاہم چوتھی نشست کے لیے مقابلہ انتہائی دلچسپ اور نازک ہے، کیونکہ بی جے پی کی برتری کانگریس، پی ڈی پی اور آزاد رکن اسمبلی شبیر کلے کی نیشنل کانفرنس کے حق میں حمایت کے بعد کم ہو گئی ہے۔
