سری نگر،: جموں و کشمیر کی سیاست میں اُس وقت نئی ہلچل مچ گئی جب عام آدمی پارٹی (اے اے پی) کے واحد رکن اسمبلی معراج ملک کو پولیس نے پبلک سیفٹی ایکٹ کے تحت گرفتار کیا۔
عام آدمی پارٹی نے اپنے آفیشل ایکس اکاونٹ پر لکھا:’عوامی حقوق کی آواز کو دبانے کی یہ کارروائی کھلی تاناشاہی کی عکاسی کرتی ہے۔ پارٹی رہنماؤں نے کہا کہ عوامی نمائندے کو صرف اس لیے پابندِ سلاسل کیا گیا کیونکہ وہ عوامی صحت کے لیے سہولیات کا مطالبہ کر رہے تھے۔‘
سیاسی حلقوں کا ماننا ہے کہ یہ گرفتاری جموں و کشمیر کی سیاست میں ایک نیا تنازعہ کھڑا کر سکتی ہے، کیونکہ یہ پہلا موقع ہے جب عام آدمی پارٹی کے کسی رکن اسمبلی کو اس انداز میں حراست میں لیا گیا ہے۔ پارٹی نے اعلان کیا ہے کہ وہ اس گرفتاری کے خلاف بڑے پیمانے پر احتجاجی مہم شروع کرے گی۔
