سری نگر،: گذشتہ دنوں کے دوران موسم انتہائی خراب رہنے کے بعد محکمہ موسمیات نے جموں وکشمیر میں اگلے ایک ہفتے کے دوران موسم مجموعی طور پر بہتر رہنے کی پیش گوئی کی ہے۔
متعلقہ محکمے کے ایک ترجمان نے بتایا کہ جموں وکشمیر میں 12 ستمبر تک موسم میں بڑے پیمانے پر کسی بھی تبدیلی کا کوئی امکان نہیں ہے اور اس دوران عام طور پر موسم گرم اور مرطوب رہنے کی توقع ہے۔
انہوں نے تفصیلات فراہم کرتے ہوئے کہا کہ جموں وکشمیر میں 4 سے 7 ستمبر تک کچھ مقامات پر ہلکی بارشوں کا امکان ہے تاہم اس دوران جموں صوبے میں کہیں کہیں درمیانی درجے کی بارشیں ہوسکتی ہیں۔
ان کا کہنا ہے کہ 8 ستمبر کی شام سے اور 9 ستمبر کی صبح تک جموں صوبے میں کہیں کہیں درمیانی درجے کی بارشوں کا امکان ہے اور بعد میں 9 سے 12 ستمبر تک بھی کہیں کہیں ہلکی بارشوں کا خارج از امکان قرار نہیں دیا جا سکتا ہے۔
ترجمان نے بتایا کہ موسم میں بہتری کے ساتھ ہی دریائوں اور ندی نالوں میں پانی کی سطح میں بتدریج کمی واقع ہو رہی ہے۔
انہوں نے کہا کہ لوگوں کو اگلے 24 سے 48 گھنٹوں کے دوران دریائوں، ندی نالوں اور ان علاقوں جہاں لینڈ سلائیڈنگ ہونے کے خطرات رہتے ہیں، کی طرف جانے سے احتیاط کرنا چاہئے۔
یو این آئی
