سری نگر، : منشیات کے خلاف جنگ کو جاری رکھتے ہوئے پولیس نے شمالی کشمیر کے ضلع بارہمولہ کے ٹنگمرگ علاقے سے 3 منشیات فروشوں کو گرفتار کرکے ان کی تحویل سے براؤن شوگر جیسا ممنوعہ مواد بر آمد کیا ہے۔
ایک پولیس ترجمان نے اپنے ایک بیان میں کہا کہ ٹنگمرگ پولیس کی ایک پارٹی نے درنگ کراسنگ پر ایک ناکہ لگا دیا اور اس دوران تین افراد کو روکا گیا۔
انہوں نے کہا کہ تلاشی کے دوران ان کی تحویل سے 20 گرام برائون شوگر جیسا ممنوعہ مواد بر آمد کیا گیا جس کے بعد تینوں کو موقع پر ہی گرفتار کیا گیا۔
ملزموں کی شناخت الطاف احمد حجام ولد محمد عبداللہ حجام، سہیل احمد لون ولد محمد مقبول لون اور مدثر احمد لون ولد غلام نبی لون ساکنان وانی لو حاجی بل کے طور پر کی گئی ہے۔
بیان میں کہا گیا کہ اس سلسلے میں پولیس اسٹیشن ٹنگمرگ میں این ڈی پی ایس ایکٹ کے تحت ایک کیس درج کرکے مزید تحقیقات شروع کی گئیں۔پولیس نے لوگوں سے منشیات کی بیخ کنی کو یقین بنانے کے لئے بھر پور تعاون فراہم کرنے کی اپیل کی ہے۔
