جموں، : منشیات فروشوں کے خلاف کریک ڈائون کو جاری رکھتے ہوئے پولیس نے ضلع اودھم پور میں ایک منشیات فروش کو گرفتار کرکے اس کی تحویل سے ہیروئن جیسا ممنوعہ مواد بر آمد کیا ہے۔
ایک پولیس ترجمان نے بتایا کہ پولیس اسٹیشن ریہام بل کی ایک ٹیم نے معمول کی گشت کے دوران ایک شخص کو چیکنگ کے لئے روکا۔
انہوں نے کہا کہ تلاشی کے دوران اس کی تحویل سے3.83 گرام ہیروئن جیسا ممنوعہ مواد بر آمد کیا گیا۔ملزم کی شناخت طارق حسین ولد شاہ محمد ساکن ڈوڈیل چک اودھم پور کے طور پر ہوئی ہے۔
بیان میں کہا گیا کہ اس سلسلے میں پولیس اسٹیشن ریہام بل میں این ڈی پی ایس ایکٹ کے تحت ایک کیس درج کرکے مزید تحقیقات شروع کی گئیں۔
