والدہ ماجدہ انتقال کرگئیں ،مدیر اعلیٰ ،منیجنگ ایڈیٹر وجملہ اراکین کا اظہار رنج
نیوزڈیسک
سرینگر / ایشین میل کی سینئر خاتون نامہ نگار ، شانو بٹ ساکنہ پارمپورہ گنڈ حسی بٹ، سرینگر کی والدہ ماجدہ طویل علالت کے بعد پیر کی شب انتقال کر گئیں۔ مرحومہ کی نماز جنازہ ان کے آبائی علاقے میں ادا کی گئی، جس کے بعد انہیں ستھرا شاہی سرینگر میں واقع آبائی قبرستان میں سپردِ لحد کیا گیا۔مرحومہ کے انتقال پر ایشین میل کے مدیر اعلیٰ، رشید راہل۔ معاون مدیر، شوکت ساحل اور منیجنگ ایڈیٹر ،محبوب جیلانی پر مشتمل ایک اعلیٰ سطحی وفد نے شانو بٹ کے گھر جا کر ان سے اور دیگر سوگواران سے دلی تعزیت اور ہمدردی کا اظہار کیا۔
اس موقع پر مرحومہ کے حق اور بلند درجات کے لئے فاتحہ خوانی کی گئی اور دعائے مغفرت کی۔ادھر ادارہ ایشین میل کے صدر دفتر راجباغ سرینگر میں ایک تعزیتی مجلس کا انعقاد بھی کیا گیا، جس میں ادارے کے تمام اراکین نے شرکت کی۔ خاص طور پر سینئر نامہ نگار فردوس وانی، دیرینہ رکن محمد اشرف اور دیگر اسٹاف ممبران نے مرحومہ کے حق میں دعائے مغفرت کی اور لواحقین کے ساتھ یکجہتی کا اظہار کیا۔مرحومہ کی اجتماعی فاتحہ خوانی جمعہ کے روز ان کے آبائی علاقے میں انجام دی جائے گی۔ادارہ ایشین میل سوگوار خاندان کے اس غم میں برابر کا شریک ہے اور دعا گو ہے کہ اللہ تعالیٰ مرحومہ کو جوارِ رحمت میں اعلیٰ مقام عطا فرمائے اور پسماندگان کو صبر جمیل عطا کرے۔ آمین۔
