جموں: خراب موسمی صورتحال کے پیش نظر جموں وکشمیر کے ضلع ریاسی کے کٹرہ کی ترکوٹہ پہاڑیوں میں واقع شری ماتا ویشنو دیوی مندر کی یاترا کو احتیاطی طور پر روک دیا گیا ہے۔
شری ماتا ویشنو دیوی شرائن بورڈ (ایس ایم وی ڈی ایس بی) کے عہدیداروں نے بتایا کہ کہ ہمکوٹی روٹ سب سے پہلے بند کیا گیا تھا۔
انہوں نے کہا: ‘ بارش کی شدت بڑھ گئی ہے جس کے پیش نظر حفاظتی وجوہات کی بناء پر پوری یاترا کو معطل کر دیا گیا ہے’۔
بورڈ کے ایک ترجمان نے بتایا: ‘یاتریوں کی حفاظت ہماری اولین ترجیح ہے’۔ انہوں نے کہا کہ حالات معمول پر آنے کے بعد یاترا دوبارہ شروع کی جائے گی۔
بورڈ نے گذشتہ روز اپنے ‘ایکس’ ہینڈل پر ایک پوسٹ میں کہا تھا: ‘ ادھکواری – بھون سیکٹر میں خراب موسم کے پیش نظر، ہمکوٹی ٹریک کو یاتریوں کی نقل وحمل کے لیے آج رات عارضی طور پر بند کر دیا گیا ہے’۔۔
ان کا کہنا تھا: ‘تاہم ادھکواری – سنجی چھات ٹریک (پرانا ٹریک) یاتریوں کے لیے کھلا رہے گا’۔
