جموں،: ناساز گار موسمی صورت حال کے پیش نظر جموں صوبے میں آج تمام سرکاری و غیر و سرکاری اسکول بند رہیں گے۔
یہ فیصلہ طلبا اور عملے کے تحفظ کو یقینی بنانے کے پیش نظر لیا گیا ہے۔ڈائریکٹوریٹ آف اسکول ایجوکیشن جموں کی طرف سے جاری ایک حکمنامے میں کہا گیا کہ خراب موسمی حالات کے پیش نظر جموں صوبے کے تمام سرکاری اور نجی اسکول 25 اگست کو بند رہیں گے۔
انہوں نے کہا کہ یہ فیصلہ طلبا اور عملے کی حفاظت کے پیش نظر لیا گیا۔افسران نے کہا ہے کہ موسم بہتر ہوتے ہی تعلیمی سرگرمیاں معمول کے مطابق بحال کر دی جائیں گی۔
محکمہ موسمیات کی پیش گوئی کے مطابق جموں وکشمیر میں 26 اگست تک موسم خراب رہنے کا امکان ہے اور اس دوران کہیں کہیں تیز بارشوں کے نتیجے میں بادل پھٹنے، سیلابی ریلے آنے، چٹانیں کھسکنے اور لینڈ سلائیڈنگ کے بھی خطرات ہیں۔
