شوپیاں میں دو مشتبہ افراد گرفتار، اسلحہ و گولہ بارود بر آمد:پولیس

سری نگر: پولیس کا کہنا ہے کہ سیکورٹی فورسز نے جنوبی کشمیر کے ضلع شوپیاں میں 2 مشتبہ افراد کو گرفتار کرکے ان کی تحویل سے اسلحہ و گولہ بارود بر آمد کیا ہے۔

شوپیاں پولیس نے ‘ایکس’ پر ایک پوسٹ کے ذریعے جانکاری فراہم کرتے ہوئے کہا: ‘دہشت گردی کے خلاف ایک اہم کارروائی میں ایس او جی شوپیاں، سی آر پی ایف کی 178 بٹالین اور فوج کی 34 آر آر پر مشتمل ایک ٹیم نے ناکے پر دو مشتبہ افراد کو گرفتار کیا۔

انہوں نے کہا کہ تلاشی کے دوران ان کی تحویل سے اسلحہ و گولہ بارود بر آمد کیا گیا جس میں 4 دستی بم، 2 پستول، 43 رائونڈ اور دیگر مجرمانہ مواد شامل ہے۔

پوسٹ میں کہا گیا کہ اس سلسلے میں ایک کیس درج کرکے تحقیقات شروع کی گئی۔