واشنگٹن: امریکی صدر ڈونالڈ ٹرمپ نے دعویٰ کیا کہ کئی عالمی اور کاروباری رہنما امریکی انتظامیہ سے درآمدی ڈیوٹی کو کم کرنے کا مطالبہ کر رہے ہیں۔
مسٹر ٹرمپ نے ٹروتھ سوشل نیٹ ورک پر لکھا، "ہماری طرف سے لبریشن ڈے کے اعلان کے بعد سے کئی عالمی لیڈر اور کاروباری نمائندے ٹیرف سے راحت مانگنے میرے پاس آئے ہیں۔”
انہوں نے یہ بھی کہا کہ کاروباری برادری کے پاس ہمیشہ ایک آسان طریقہ ہوتا ہے "امریکہ آؤ، اور امریکہ میں سرمایہ کاری کرو ۔’
انہوں نے 2 اپریل کو 185 ممالک اور خطوں سے آنے والی اشیا پر درآمدی ڈیوٹی کا اعلان کیا۔ جس میں دنیا بھر میں 10 فیصد ڈیوٹی 5 اپریل سے اور انفرادی ڈیوٹی 9 اپریل سے لاگو ہوئی۔
مسٹر ٹرمپ نے 9 اپریل کو اعلان کیا کہ وہ 75 ممالک کی مصنوعات پر ٹیرف میں اضافے کو معطل کر رہے ہیں جنہوں نے 90 دنوں کے لیے بات چیت کے لیے آمادگی ظاہر کی تھی۔ ان ممالک پر 10 فیصد درآمدی ڈیوٹی عائد ہوگی۔
امریکی صدر نے کہا کہ وہ تجارتی شراکت داروں کے ساتھ ٹیرف کی سطح پر بات چیت کے لیے تیار ہیں۔ انہوں نے اس تین ماہ کے وقفے میں توسیع کے امکان کو بھی رد نہیں کیا۔
یو این آئی
