ڈرگ سنڈیکیٹ اور نارکو ٹیرر گٹھ جوڑ کو ختم کرنے کیلئے پرعزم :منوج سنہا
نیوزڈیسک
جموں مرکزی وزیر داخلہ اور کواپریشن مسٹر امت شاہ نے نئی دہلی میں ’ منشیات کی اسمگلنگ اور قومی سلامتی ‘ پر ایک علاقائی کانفرنس کی صدارت کی جس کا اہتمام نارکوٹکس کنٹرول بیورو ( این سی بی ) نے کیا تھا ۔لیفٹیننٹ گورنر مسٹر منوج سنہا نے ورچوئلی طریقہ کار پر جموں سے حصہ لیااور منشیات کے سمگلروں کے گٹھ جوڑ کو بے اثر کرنے اور منشیات کی لعنت کا مقابلہ کرنے کے جموں و کشمیر کے عزم پر زور دیا ۔ کانفرنس سے خطاب کرتے ہوئے لیفٹیننٹ گورنر نے کہا کہ سال 2024 میں منشیات کی اسمگلنگ سے حاصل ہونے والی غیر قانونی آمدنی کو نشانہ بنانے کیلئے ٹھوس کوششیں کی گئی تھیں اور سمگلرز اور فارن ایکسچینج مینیپولیٹر ایکٹ( ایس اے ایف ای ایم اے ) کے تحت اسمگلروں کی 188 جائیدادوں کی قربت کیلئے نشاندہی کی گئی ہے ۔ پی آئی ٹی ۔ این ڈی پی ایس ایکٹ کے تحت 274 مجرموں کو حراست میں لیا گیا ۔لیفٹیننٹ گورنرنے کہا کہ 2024 میں پچھلے برسوں کے مقابلے میں نمایاں بہتری ریکارڈ کی گئی اور 210 کو سزائیں دی گئیں جو کہ اب تک کی سب سے زیادہ ہے ۔ 2024 میں این ڈی پی ایس ایکٹ کے تحت تقریباً 1514 مقدمات درج کئے گئے اور 2260 گرفتاریاں کی گئیں ۔ انہوں نے کہا کہ حکومت منشیات کی پوری سنڈیکیٹ کو مکمل طور پر ختم کرنے کیلئے پرعزم ہے جو ملک کی خود مختاری اور سلامتی کیلئے سنگین اور براہ راست خطرہ ہے ۔ مقدمات کی جلد سماعت کیلئے پانچ خصوصی عدالتیں قائم کی گئی ہیں ۔انہوںنے کہا اب تمام معاملات میں مالی تحقیقات کی جا رہی ہیں تا کہ آگے اور پیچھے کی طرف روابط کا پتہ لگایا جا سکے تا کہ ہر این ڈی پی ایس معاملے میں پورے نیٹ ورک کو بے اثر کر دیا جائے ۔ انہوں نے کہا ’عزت مآب وزیر اعظم شری نریندر مودی اور عزت مآب وزیر داخلہ شری امیت شاہ کی رہنمائی میں جموں و کشمیر یونین ٹیر ٹری نے منشیات کی سمگلنگ اور منشیات کے استعمال سے نمٹنے کیلئے ایک مکمل حکومتی نقطہ نظر اپنایا ہے ۔ لفٹینٹ گورنر نے کہا کہ مختلف پہلوو¿ں اور چیلنجوں پر بین محکمہ جاتی تال میل کو یقینی بنایا گیا ہے اور پچھلے دو برسوں میں باقاعدہ میٹنگز منعقد کی گئی ہیں ۔لیفٹیننٹ گورنرنے کہا کہ فرانزک لیبز کو مضبوط بنایا گیا ہے اور جدید آلات کے ساتھ ساتھ افرادی قوت کو بھی یقینی بنایا گیا ہے ۔ اس کے نتیجے میں لیبز کے موثر کام اور ابتدائی چارج شیٹ دائر کرنے اور مقدمات کی موثر ٹرائل کے ذریعے پورے قانونی انصاف کے فریم ورک کو مضبوط بنایا گیا ہے ۔
