سری نگر:پولیس نے شیر کشمیر انٹرنیشنل کنوکیشن سینٹر(ایس کے آئی سی سی) میں منعقدہ حلف برادری تقریب کے دوران قومی ترانہ گاتے وقت ایک فرد کے کھڑے نہ ہونے کے واقعے کا سخت نوٹس لیا ہے۔
سری نگر پولیس نے ایکس پر جانکاری فراہم کرتے ہوئے بتایا :’پولیس نے ’ایس کے آئی سی سی‘میں منعقدہ حلف برداری تقریب کے دوران ایک فرد کی جانب سے کھڑے نہ ہونے کے واقعے کا سخت نوٹس لیا ہے۔‘
انہوں نے کہاکہ بی این ایس کے سیکشن 173(3)کے تحت کارروائی عمل میں لا کر ایس پی رینک کے ایک آفیسر کی سربراہی میں ابتدائی تحقیقات شروع کردی گئی ہے۔
پولیس بیان کے مطابق قانونی کارروائی کے لئے الیکٹرانک شواہد (سی سی ٹی وی فوٹیج) کا جائزہ لیا جارہا ہے۔
