سرینگر/شنگھائی تعاون تنظیم کے سربراہ اجلاس میں شرکت کیلئے کرغزستان، بیلاروس کے وزیراعظم اور بھارتی وزیر خارجہ جے شنکر پاکستان پہنچ گئے۔اس موقعہ پر استقبال کے موقع پرروایتی لباس میں ملبوس بچوں نے معزز مہمان کوگل دستے پیش کیے جب کہ دونوں رہنماو¿ں کے درمیان خیرسگالی کے کلمات کااظہاربھی کیا گیا۔ شنگھائی تعاون تنظیم کے سربراہ اجلاس میں شرکت کیلئے وزیر خارجہ جے شنکر پاکستان پہنچ گئے۔
ان کے علاوہ کرغزستان کے وزیراعظم ڑاپاروف اکیل بیک ایس سی او کے سربراہانِ حکومت کے اجلاس میں شرکت کیلئے پاکستان کی دارالحکومت اسلام آباد پہنچے، جہاں پاکستان کے وزیر پیٹرولیم مصدق ملک اور دیگر اعلیٰ سول وفوجی حکام نے نورخان ائربیس پر مہمان کا ریڈکارپٹ استقبال کیا۔استقبال کے موقع پرروایتی لباس میں ملبوس بچوں نے معزز مہمان کوگل دستے پیش کیے جب کہ دونوں رہنماو¿ں کے درمیان خیرسگالی کے کلمات کااظہاربھی کیا گیا۔کرغزستان کے وزیراعظم کے ہمراہ اعلیٰ سطح کاوفد بھی ہے، جس میں معیشت اورتجارت کے وزیر، نائب وزیرخارجہ اورایس سی او کے لیے نائب رابطہ کاربھی شامل ہیں۔ اس موقع پرپاکستان میں کرغزستان کے سفیر اورسفارت خانے کے دیگراعلیٰ حکام بھی موجودتھے۔دریں اثنا بیلا روس کے وزیراعظم بھی ایس سی او کانفرنس میں شرکت کے لیے پاکستان پہنچ گئے۔ وفاقی وزیر قانون اعظم نذیر تارڑ نے ان کا استقبال کیا۔
