فلمی ستاروں نے مداحوں کو دسہرہ کی دی مبارکباد

ممبئی:فلمی ستاروں نے اپنے مداحوں کو دسہرہ کی مبارکباد دی ہے۔آج دسہرہ کا تہوار ملک بھر میں دھوم دھام سے منایا جا رہا ہے اس خاص موقع پر فلمی ستاروں نے اپنے مداحوں کو سوشل میڈیا پر مبارکباد دی ہے۔اکشے کمار نے اپنے ایکس اکاؤنٹ پر ایک موشن ویڈیو پوسٹ کرکے مداحوں کو دسہرہ کے تہوار کی مبارکباد دی ہے۔ انہوں نے اپنی پوسٹ میں لکھا ہے کہ آپ سب کو دسہرہ مبارک ہو! سچائی کی جیت کا یہ تہوار آپ کو نئی تحریک دے۔ کرینہ کپور خان نے اپنی انسٹاگرام اسٹوری پر کیپشن میں لکھا، اچھائی ہمیشہ راستہ تلاش کرتی ہے۔ دسہرہ مبارک ہو۔ کارتک آریان نے اپنی انسٹاگرام اسٹوری پر لکھا، ہیپی دسہرہ۔
کنگنا رناوت نے لکھا برائی پر اچھائی اور جھوٹ پر سچائی کی جیت کے اہم تہوار وجے دشمی کی آپ سبھی کو دلی مبارکباد۔
سنی دیول نے اپنے ایکس اکاؤنٹ پر مداحوں کو دسہرہ اور وجے دشمی کی مبارکباد دیتے ہوئے اپنی ایک ویڈیو شیئر کی ہے۔ اس کے ساتھ انہوں نے لکھا، سب کو وجے دشمی اور درگا پوجا مبارک، دسہرہ مبارک، تہوار حیدرآباد میں منائیں گے۔
پرینکا چوپڑا جوناس نے اپنی انسٹاگرام اسٹوری کے کیپشن میں لکھا ’’جب آپ کو اس چیز کا سامنا کرنا پڑتا ہے جس کا آپ کو خوف ہوتا ہے، تب ہی آپ اس زندگی کی تعمیر کرنا شروع کر دیتے ہیں جو آپ ہمیشہ سے چاہتے تھے۔‘‘ دسہرہ مبارک ہو۔
کاجول نے مزیدار انداز میں اپنے مداحوں کو دسہرہ کی مبارکباد دی۔ انہوں نے انسٹاگرام پر اپنا کلپ شیئر کیا ہے، جس میں وہ اپنے مداحوں کو دسہرہ کی مبارکباد دیتے ہوئے نظر آ رہی ہیں۔ کاجول نے ویڈیو کے کیپشن میں لکھا سب کو دسہرہ مبارک ہو! آؤٹ ٹیک شامل ہے۔
شاہد کپور نے اپنی انسٹا اسٹوری پر لکھا، آپ خود سے سب سے بڑی جنگ لڑتے ہیں۔ جب آپ یہ جیتیں گے تو آپ سب کچھ جیت جائیں گے پرینیتی چوپڑا نے سوشل میڈیا پر لکھا آپ سب کو دسہرہ مبارک ہو۔ یہ تہوار آپ کی زندگی میں خوشیاں اور سکون لائے۔ یہ دن ہم سب کی زندگیوں کو روشن کرے۔ تنیشا مکھرجی نے اپنے سوشل میڈیا اکاؤنٹ پر لکھابھگوان رام کی جیت پر آپ سب کو خوشی اور خوشحالی کی مبارکباد۔
چرنجیوی نے اپنے آفیشل اکاؤنٹ پر لکھا ہے، ‘سب کو دسہرہ مبارک ہو۔ یہ وجے دشمی ظلم پر بہادری، شیطانیت پر الوہیت، غیر انسانیت پر انسانیت، خود غرضی پر اچھائی، برائی پر اچھائی کی علامت ہے۔ مجھے امید ہے کہ اس الوہی فتح کا احساس رکاوٹوں کو دور کرے گا اور ہماری زندگیوں کو پیار، محبت اور خوشی سے بھر دے گا۔ دسہرہ مبارک ہو۔
جونیئر این ٹی آر نے ایکس پر لکھا ہے آپ کو اور آپ کے اہل خانہ کو دسہرہ مبارک ہو۔