بی جے پی کے آٹھ اور کانگریس کے تین امیدواروں کی ضمانتیں ضبط

چنڈی گڑھ،:  بی جے پی نے ہریانہ اسمبلی انتخابات میں جیت کی ہیٹ ٹرک کرنے کے باوجود اس کے آٹھ جبکہ انتخابات ہارنے والی اپوزیشن کانگریس کے تین امیدواروں کی ضمانت ضبط ہوگئی ۔
بی جے پی نے کل 48 اور کانگریس نے 37 سیٹیں جیتی ہیں۔ انڈین نیشنل لوک دل نے دو اور آزاد امیدواروں نے تین سیٹوں پر کامیابی حاصل کی ہے۔
دونوں بڑی جماعتوں نے 90 رکنی اسمبلی میں 89-89 سیٹوں پر مقابلہ کیا۔ جہاں کانگریس نے بھوانی مارکسی کمیونسٹ پارٹی کے لیے ایک سیٹ چھوڑی تھی، وہیں بی جے پی نے سرسہ سیٹ سے اپنا ایک امیدوار واپس لے لیا تھا۔
وکیل اور سیاسی انتخابی تجزیہ کار ہیمنت کمار کے مطابق، 8 اسمبلی سیٹوں پر بی جے پی امیدواروں کی ضمانت ضبط ہوگئی، جن میں گنور، حصار، ڈبوالی، رانیہ، اعلان آباد، مہم، پنہانہ اور نوہان شامل ہیں۔ ان میں سے دو – گنور اور حصار – آزاد امیدواروں نے جیتے ہیں، ڈبوالی اور رانیہ میں آئی این ایل ڈی امیدواروں نے کامیابی حاصل کی ہے، جبکہ باقی چار – مہم، پنہانہ، نوہان اور ااعلان آباد میں – کانگریس امیدواروں نے کامیابی حاصل کی ہے۔
دوسری طرف انبالہ چھاو¿نی، تیگاو¿ں اور بلبھ گڑھ میں کانگریس کے امیدواروں نے اپنی ضمانت کھو دی۔ کانگریس کے باغی امیدوار چترا سرورا، للت نگر اور شاردا راٹھور تینوں سیٹوں پر بالترتیب دوسرے نمبر پر رہنے اور ووٹ حاصل کرنے کی وجہ سے پارٹی کے مجاز امیدواروں پروندر پال پاری، روہت نگر اور پراگ شرما کی جمع پونجی ضبط کر لی گئی۔ عوامی نمائندگی ایکٹ 1951 کے سیکشن 158 (4) کے مطابق اگر کوئی امیدوار کسی الیکشن میں کامیاب نہیں ہوتا ہے، تو وہ اپنی ضمانت واپس لینے کا حقدار ہوگا اگر اس نے کل ڈالے گئے ووٹوں کے چھٹے حصے سے زیادہ حاصل کیے ہوں۔
قابل ذکر ہے کہ گزشتہ الیکشن یعنی 2019 میں بی جے پی کے صرف تین اور کانگریس کے 27 امیدواروں کی ضمانت ضبط ہوگئی تھی۔