واشنگٹن،:  آسٹریلیا کے وزیر اعظم انتھونی البانیز نے اگلے ہفتے امریکی دارالحکومت واشنگٹن میں ہونے والے نارتھ اٹلانٹک ٹریٹی آرگنائزیشن (نیٹو) چوٹی کانفرنس میں شرکت نہ کرنے اور وزیر دفاع رچرڈ مارلس کی قیادت میں ایک وفد بھیجنے کا فیصلہ کیا ہے۔

سڈنی مارننگ ہیرالڈ اخبار نے منگل کو اس معاملے سے واقف ذرائع کے حوالے سے یہ معلومات دی۔اخبار کے مطابق مبینہ طور پر مسٹر البانی نے یہ فیصلہ اس وقت لیا جب انہیں سربراہی اجلاس سے قبل امریکی صدر جو بائیڈن کے ساتھ دو طرفہ ملاقات کی تصدیق نہیں ملی۔ وزیر اعظم کے دفتر نے انہیں مشورہ دیا تھا کہ وہ تنازعات سے بچنے کے لیے وہاں بالکل نہ جائیں۔

قبل ازیں مسٹر البانیز کی سربراہی اجلاس کے موقع پر انڈو پیسیفک فور میں جاپان، جنوبی کوریا اور نیوزی لینڈ کے اپنے ہم منصبوں سے ملاقات متوقع تھی۔ نیٹو کا 75 واں سربراہی اجلاس 9 سے 11 جولائی تک واشنگٹن میں ہوگا۔

نیٹو کے سیکرٹری جنرل جینز سٹولٹن برگ نے 17 جون کو کہا کہ انہوں نے امریکہ میں نیٹو کے آئندہ سربراہی اجلاس میں انڈو پیسیفک خطے کے شراکت داروں کو مدعو کیا تھا۔ نیٹو 32 رکن ممالک پر مشتمل ہے، لیکن یہ آسٹریلیا سمیت 40 سے زیادہ غیر رکن ممالک اور بین الاقوامی تنظیموں – نیٹو پارٹنرز – کے ساتھ بھی تعلقات برقرار رکھتا ہے۔

یواین آئی