بشکیک:  جنوبی کرغزستان میں مٹی کے تودے گرنے سے مرنے والوں کی تعداد بڑھ کر 13 ہو گئی ہے۔ ملک کی ہنگامی حالات کی وزارت کی پریس سروس نے پیر کو یہ اطلاع دی۔

جمعہ کو اوش اوبلاسٹ کے علاقے نوکٹ میں شدید بارش سے دو پلوں اور بجلی کے کھمبوں کو نقصان پہنچا نیز نجی مکانات کے 15 صحن زیر آب آگئے۔ علاقے میں ہنگامی حالت کا اعلان کر دیا گیا ہے۔

دریں اثنا، ایک تفریحی مقام پر، کیچڑ کا بہاؤ دریا کے کنارے آرام کر رہے لوگوں کے ایک گروپ کو بہا لے گیا۔ فی الحال مرنے والوں کی تعداد نو ہو گئی ہے، مرنے والوں میں دو خواتین ہیں، باقی نوعمر اور بچے ہیں۔ بتایا جا رہا ہے کہ مرنے والوں میں چار قزاقستان کے شہری ہیں جو گھومنے آئے تھے۔

اس کے علاوہ، اتوار کی شام اوش اوبلاسٹ کے علاقے کارا کلجا میں، مٹی کا بہاؤ ایک مسافر گاڑی کو بہا لے گیا جس میں پانچ افراد کا خاندان سوار تھا، جس میں صرف ایک 7 سالہ بچی بچ نکلنے میں کامیاب رہی۔ علاقے میں تلاش اور ریسکیو آپریشن جاری ہے۔

یو این آئی