گوگل کا ڈوڈل ہندوستان میں ٹیکنالوجی کی مسلسل ترقی کی عکاسی کرتا ہے

نئی دہلی: انٹرنیٹ سرچ انجن گوگل، جو بہت سے خاص لمحات کو اپنے انداز میں اظہار کرتا ہے، نے جمعہ کو ہندوستان کے 75 ویں یوم جمہوریہ کے موقع پر اپنے ہوم پیج پر ایک بہترین ڈوڈل پیش کیا، جس میں ٹیکنالوجی کی مسلسل ترقی پیش کی گئی ہے۔
ٹیکنالوجی کبھی بھی جامد نہیں رہتی اور تبدیلی اس کا مرکز ہے اور اسی بنیاد پر گوگل نے اپنے ڈوڈل میں اینالاگ ٹی وی سے لے کر اسمارٹ فونز تک ہندوستان کی ٹیکنالوجی اور تکنیکی ترقی کو دکھا کر ملک کی ترقی کو سراہا ہے۔
آج کا گوگل ڈوڈل دو ٹیلی ویژن اور ایک موبائل فون دکھاتا ہے۔ ٹیلی ویژن کی پہلی تصویر میں گوگل کی شکل ‘جی’ اور دوسری میں ‘او’ دی گئی ہے۔ موبائل کی اسکرین پر ‘جی’، ‘ایل’ اور ‘ای’ کے حروف نظر آرہے ہیں۔
گوگل نے سوشل میڈیا ایکس پر اپنی پوسٹ میں ہندوستان کو یوم جمہوریہ کی مبارکباد دی ہے۔ گوگل نے پوسٹ میں لکھا کہ ’وقت سیاہ اور سفید سے رنگین اسکرینوں میں بدل گیا ہے، لیکن پریڈ کو ایک ساتھ دیکھنے کا فخر جوں کا توں ہے۔