سری نگر، یکم جون: جنوبی ضلع اننت ناگ میں سپیشل انوسٹی گیشن یونٹ (ایس آئی یو) نے ملی ٹینٹوں کو پناہ دینے کی پادائش میں ایک زیر تعمیر مکان کو اٹیچ کیا۔پولیس کے ایک ترجمان نے بتایا کہ ملی ٹینٹوں کو منطقی مدد فراہم کرنے والوں کے خلاف اپنا کریک ڈاون جاری رکھتے ہوئے ایس آئی یو اننت ناگ نے مجاز اتھارٹی سے اجازت حاصل کرنے کے بعد دانوتھ پورہ کوکر ناگ میں ملی ٹینٹ معاون کے ایک زیر تعمیر رہائشی مکان کو قرق کیا۔انہوں نے بتایا کہ پولیس تھانہ کوکر ناگ میں درج ایف آئی آر زیر نمبر 103کی تحقیقات کے دوران منکشف ہوا کہ ملی ٹینٹ معاون محمد اسحاق ولد محمد سیف اللہ ملک ساکن دانوتھ کوکر ناگ کے زیر تعمیر رہائشی مکان کوملی ٹینٹ سرگرمیوں کے لئے استعمال میں لایا گیا ہے۔
موصوف ترجمان کے مطابق صوبائی کمشنر کشمیر کی جانب سے کنفرمیشن کے بعد ملی ٹینٹ معاون کے زیر تعمیر رہائشی مکان کو یو اے پی اے ایکٹ سیکشن 25کے تحت قرق کردیا گیا۔پولیس نے عوام الناس سے اپیل کی ہے کہ وہ ملی ٹینٹوں کو اپنے گھروں میں پناہ یا دوسری قسم کی مدد فراہم کرنے سے گریز کریں۔انہوں نے کہاکہ ملی ٹینٹوں کو منقطع مدد فراہم کرنے والوں کے خلاف سخت قانونی کارروائی عمل میں لائی جائے گی۔ترجمان نے بتایا کہ ایس آئی یو جموں وکشمیر کی جانب سے دہشت گردی کے ماحولیاتی نظام کو ختم کرنے کی خاطر مشتبہ افراد کی جائیدادیں ضبط کرنے سلسلہ جاری رہے گا۔
یو این آئی
