نیوزڈیسک
جموں وکشمیر کے پہاڑی وسرحدی ضلع راجوری میں گزشتہ کئی روز سے جاری ملی ٹنٹ مخالف آپریشن کے دوران ہفتہ کی صبح ملی ٹنٹوں اور فوج وفورسز کے درمیان دوبارہ آمنا سامنا ہوا ،جس دوران طرفین کے مابین گولیوں کے تبادلے میں ایک ملی ٹنٹ ہلاک اور دوسرا زخمی ہوا ۔
One terrorist killed, another injured in operation in J-K's Rajouri: Army
— Press Trust of India (@PTI_News) May 6, 2023
دفاعی ترجمان نے بتایا کہ لائن آف کنٹرول (ایل او سی) کے قریب واقع راجوری کے کیسری کنڈی علاقے میں جمعے کی صبح ساڑھے سات بجے شروع ہونے والی جھڑپ آخری اطلاع آنے تک جاری ہے۔
فوج کے ترجمان کا کہنا ہے کہ راجوری آپریشن میں ہفتہ کی صبح ایک ملی ٹنٹ ہلاک ہوا جبکہ ممکنہ طور پر دوسرا زخمی ۔دفاعی ترجمان نے بتایا کہ جائے جھڑپ سے اب تک ایک اے کے ۔56 رائفل ، چار میگزین ، 56 گولیاں ،9 ایم ایم پستول بشمول میگزین ،3 ہینڈ گرینیڈ اور دیگرگولی باردو ضبط کیا گیا ۔
ہلاک ہونے والے ملی ٹنٹ کی شناخت کا عمل شروع کردیا گیا جبکہ یہ آپریشن تاحال جاری ہے ۔
#RajouriEncounter update | In the ensuing gunbattle, 1 terrorist has been neutralised & 1 more is likely to be injured. Recoveries made so far include 1 AK56, 4 Mags of AK, 56 rounds of AK, 1x9mm Pistol with Mag, 3 grenades & 1 ammunition pouch. The identity of the neutralised… pic.twitter.com/A7wA059lcW
— ANI (@ANI) May 6, 2023
یاد رہے کہ اس علاقے میں گزشتہ روز ملی ٹنٹوں کی جانب سے کئے گئے آئی ای ڈی دھماکے میں 5 فوجی جوان ہلاک اور ایک فوجی افسر زخمی ہوا ۔ فوجی حکام کہتے ہیں کہ کیسری کنڈی پہاڑی علاقے میں ایک قدرتی غار میں چھپے یہ ملی ٹنٹ قریبی ضلع پونچھ میں 20اپریل کو ایک فوجی گاڑی پر کیے گئے حملے میں ملوث تھے۔ اس حملے میں جو پونچھ کے بھاٹا دھوریاں علاقے میں پیش آیا تھا پانچ فوجی ہلاک ہوئے تھے اور ایک فوجی زخمی ہوا تھا۔
پونچھ اور راجوری میں بڑے پیمانے پر ملی ٹنٹ مخالف آپریشن شروع کردیا گیا ہے اور راجوری میں احتیاطی اقدامات کے تحت انٹر نیٹ سروس منقطع کردی گئی ہے ۔
ادھر شمالی ضلع بارہمولہ میں ہفتہ کی صبح ایک ملی ٹنٹ مخالف آپریشن میں ایک ملی ٹنٹ ہلاک ہوا۔پولیس کے ترجمان کے مطابق شمالی کشمیر کے بارہمولہ ضلع کے کرہامہ کنزر علاقے میں ہفتہ کو علی الصبح ایک مسلح تصادم میں ایک ملی ٹنٹ ہلاک ہوا۔
انہوں نے کہا،جب فورسز مشتبہ مقام کی طرف پہنچیں، تو چھپے ہوئے ملی ٹنٹوں نے فورسز پر فائرنگ کی، جس دوران انکائونٹر شروع ہوا۔
#BaramullaEncounterUpdate: Killed #terrorist identified as Abid Wani S/O Mohd Rafiq Wani R/O Yarhol Babapora Kulgam, linked with proscribed #terror outfit LeT. Incriminating materials, 01 AK 47 rifle recovered.@JmuKmrPolice https://t.co/U5iocqLfKW
— Kashmir Zone Police (@KashmirPolice) May 6, 2023
پولیس ترجمان نے ایک ٹویٹ میں بتایا کہ بارہمولہ میں مارے گئے ملی ٹنٹ کی شناخت عابد وانی ولد محمد رفیق وانی ساکنہ یار ہل بابا پورہ کولگام کے بطور ہوئی۔جموں و کشمیر میں گزشتہ 96 گھنٹوں میں یہ چوتھی جھڑپ ہے۔
