جموں،3 مارچ: جموں و کشمیر کے ضلع راجوری کے ڈانگری گاؤں میں مشتبہ جنگجوؤں کی فائرنگ اور آی ای ڈی دھماکے میں جان بحق ہونے والے چھ شہریوں کی آخری رسومات منگل کی صبح انجام دی گئیں جس میں پولیس اور سول انتظامیہ کے اعلیٰ افسران کے علاوہ سینکڑوں کی تعداد میں لوگوں نے شرکت کی۔
ذرائع نے بتایا کہ راجوری کے ڈانگری گاؤں میں منگل کی صبح مشتبہ جنگجوؤں کی فائرنگ اور آئی ای ڈی دھماکے میں جان بحق ہونے والے چھ عام شہریوں کی آخری رسومات انجام دی گئیں۔
انہوں نے کہا کہ جموں وکشمیر پولیس کے سربراہ دلباغ سنگھ، صوبائی کمشنر جموں رمیش کمار، اے ڈی جی پی جموں مکیش سنگھ کے علاوہ سینکڑوں کی تعداد میں لوگ اس موقع پر جمع ہوئے اور مہلوکین کےا ٓخری رسومات میں شرکت کی۔
بتادیں کہ ڈانگری گاؤں میں اتوار کی شام مشتبہ جنگجوؤں کی فائرنگ کے نتیجے میں چار افراد کی موت جبکہ چھ دیگر زخمی ہوگئے تھے اور پھر پیر کی صبح اسی جگہ ایک آئی ای ڈی دھماکہ ہوا جس کے نتیجے میں دو کمسن بچے از جان ہوگئے۔
ان واقعوں سے علاقے میں خوف پھیل گیا اور سیکورٹی ایجنسیاں واقعات کی تہہ تک پہنچنے کے کام میں جٹ گئی ہیں۔
جموں و کشمیر کے لیفٹیننٹ گورنر منوج سنہا صورتحال کا جائزہ لینے اور پسماندگان کے ساتھ اظہار ہمدردی کرنے کے لئے پیر کو ہی ڈانگری پہنچے۔
یو این آئی
راجوری حملہ: مہلوک شہریوں کے آخری رسومات میں سینکڑوں لوگوں بشمول پولیس وسول انتظامیہ کے اعلیٰ افسروں کی شرکت added by ایشین میل on
View all posts by ایشین میل →