نئی دہلی، 10 ستمبر : ملک میں کورونا انفیکشن کے نئے اتار چڑھاؤ کے درمیان ہفتہ کو 5,554 نئے معاملے سامنے آئے ہیں، جس سے پورے ملک میں متاثرہ افراد کی تعداد 4,44,90,283 ہو گئی ہے اور اسی مدت میں۔ 16 افراد کی موت کے بعد کورونا سے مرنے والوں کی تعداد 528139 ہوگئی۔
صحت اور خاندانی بہبود کی مرکزی وزارت نے آج کہا کہ صبح 7 بجے تک 214.77 کروڑ ویکسین دی گئی ہیں۔ ملک میں گزشتہ 24 گھنٹوں کے دوران کورونا وبا کے فعال کیسز کی تعداد 786 کم ہو کر 48850 رہ گئی۔ ملک میں صحت یابی کی شرح 98.7 فیصد ہے۔ فعال کیسز کی شرح 0.11 فیصد، یومیہ انفیکشن کی شرح 1.47 فیصد اور اموات کی شرح 1.19 فیصد ہے۔وزارت صحت کے مطابق گزشتہ 24 گھنٹوں کے دوران اس وبا سے 6,322 افراد کی موت کے بعد ان کی مجموعی تعداد 4,39,13,294 ہو گئی ہے۔ وزارت نے کہا کہ گزشتہ 24 گھنٹوں میں 3,76,855 کووڈ ٹیسٹ کیے گئے ہیں۔ ملک میں کل ملاکر 88.90 کروڑ سے زیادہ کووڈ ٹیسٹ کیے گئے ہیں۔
ملک میں گزشتہ 24 گھنٹوں کے دوران نو ریاستوں، ایک مرکز کے زیر انتظام علاقے میں ایکٹیو کیسز کی تعداد میں اضافہ ہوا ہے اور دوسری ریاستوں اور مرکز کے زیر انتظام علاقوں میں اس کے کیسز کم ہوئے ہیں۔
کیرالہ میں گزشتہ 24 گھنٹوں میں کورونا وائرس کے انفیکشن کے 278 کیسز کم ہوئے ہیں جس سے ان کی تعداد کم ہو کر 10525 ہو گئی ہے، اسی عرصے میں کورونا وبا سے صحت یاب ہونے والوں کی تعداد بڑھ کر 6686765 ہو گئی ہے۔ اس عرصے کے دوران کسی مریض کی موت نہ ہونے کے باعث اموات کی تعداد 70900 پر مستحکم ہے۔
یواین آئی
