جموں:لیفٹیننٹ گورنر منوج سِنہا نے جموںوکشمیر کے لوگوں کی طرف سے وزیر اعظم نریندر مودی اور دیہی ترقی اور پنچایتی راج کے وزیر گری راج سنگھ کا قومی پنچایتی راج دن 2022 ءمنانے کے لئے جموںوکشمیر کومنتخب کرنے پر شکریہ اَدا کیا۔
لیفٹیننٹ گورنر نے 24 اپریل کو سانبہ ضلع میں وزیر اعظم کے پنچایت پلی کے دورے کے موقعہ پر نقاب کشائی پر میڈیا کے نمائندوں سے خطاب کرتے ہوئے کہا کہ یہ دورہ تاریخی اور بے مثال ہے جہاں وزیر اعظم ملک بھر کی تمام گرام سبھا کے ساتھ جموں و کشمیر کے عوام سے خطاب کریں گے۔
اُنہوں نے کہا ،” قومی پنچایتی راج دن کے موقعہ پر وزیر اعظم جموں و کشمیر کو ترقی کے ایک نئے دور میں لے جائیں گے۔ 38,082 کروڑ روپے کی صنعتی ترقی کی تجاویز کا سنگ بنیاد رکھنے کی تقریب ملک اور بیرون ملک کے نامور صنعت کاروں کی موجودگی میں منعقد کی جائے گی۔“
مختلف شعبوں میں چار لاکھ سے زیادہ بالواسطہ روزگار کے مواقع پیدا ہوں گے۔
لیفٹیننٹ گورنر نے کہا کہ جموںوکشمیر میں اگلے چار برسوں میں بجلی کی پیداواری صلاحیت کو دوگنا کرنے کے لئے وزیر اعظم 850 میگاواٹ رتلے پاور پروجیکٹ اور 540 میگاواٹ کے کوار ہائیڈرو پروجیکٹ کا سنگ بنیاد رکھیں گے۔اس کے علاوہ پانچ ایکسپریس ویز کا سنگ بنیاد رکھیں گے اور بانہال۔قاضی گنڈ ٹنل کا اِفتتاح کریں گے۔
تقریباً 100 جن اوشدھی کیندر بھی عوام کے لئے وقف کئے جائیں گے اور وزیر اعظم کے صرف ایک کلک پر ملک کی تمام پنچایتوں میں ایوارڈ منی تقسیم کی جائے گی۔
اِس میگا ایونٹ میں تقریباً ایک لاکھ افراد کی شرکت متوقع ہے۔
پالی پنچایت کے اپنے دورے کے دوران وزیر اعظم جموںوکشمیر یوٹی بھر کے سرپنچوں، پنچوں اور مدعو لوگوں سے بات چیت کریں گے۔ وہ دبئی کے کاروباری وفد سے ملاقات کے علاوہ انٹیک فوٹو گیلری اور نوکیا سینٹر، مختلف شعبہ جات کی نمائش کا بھی دورہ کریں گے۔
وزیر اعظم دیہی شہریوں کو ایس وی اے ایم آئی ٹی وی اے سکیم کے تحت فوائد بھی دیں گے۔
لیفٹیننٹ گورنر نے کہا کہ پالی ملک کی پہلی پنچایت ہے جو کاربن نیوٹرل بن گئی ہے، مکمل طور پر شمسی توانائی سے چلتی ہے، اس کے تمام ریکارڈ ڈیجیٹائزڈ ہیں اور مرکزی حکومت کی تمام سکیموں کے فوائد کی سیچوریشن ہے۔اُنہوں نے کہا کہ یہ ایک ماڈل پنچایت ہوگی جو جموں و کشمیر اور ملک کی دیگر پنچایتوں کو کاربن نیوٹرل بننے کی ترغیب دے گی۔
لیفٹیننٹ گورنر نے گرام سوراج مہینہ کے لئے بنائے گئے 100 نکاتی پروگرام کا تذکرہ کرتے ہوئے کہا کہ جموں و کشمیر اگست 2019ءسے بہت زیادہ تبدیلیوں سے گزر رہا ہے۔ بہتر حکمرانی کی عوام پر مبنی پالیسیوں کی وجہ سے جموں و کشمیر َاب سرکردہ ملک کی یوٹیوں اور ریاستوں میں شامل ہے۔اُنہوں نے کہا کہ جموںوکشمیر یوٹی انتظامیہ شفافیت، جوابدہی اور کارکردگی کے ساتھ کام کر رہی ہے۔
لیفٹیننٹ گورنر نے مزید کہا کہ پٹوار گھر کو تمام پنچایتوں میں ادارہ بنا یا گیا ہے جس میں پٹواریوں کے دفاتر ہیں، ساتھ ہی پنچایت معاونین کی تقرریوں کے ساتھ خدمات کی فوری فراہمی کو یقینی بنایا گیا ہے۔ وزیر اعظم کی وابستگی اور یوٹی کے لئے اوّلین ترجیح کی وجہ سے جموں و کشمیر مختلف شعبوں میں ترقی کر رہا ہے ۔ حال ہی میںجموںوکشمیر کو پی ایم جی ایس وائی کے تحت کارکردگی میں تیسرے نمبر پر رکھا گیا ہے۔ اُنہوں نے مزید کہا کہ جموں و کشمیر بھی نیتی آیوگ کی رپورٹوں میں ایک اعلیٰ کارکردگی کا مظاہرہ کرنے والے یوٹی کے طور پر اکثر نمایاں ہوتا ہے۔
اُنہوں نے کہا کہ جموں و کشمیر میں پنچایتی راج کا نظام قائم کیا گیا ہے اور پی آر آئیز کو ضروری فنڈس، کاموں اور کام کرنے والوں کے ساتھ منتقل کرکے حقیقی معنوں میں بااختیار بنایا جا رہا ہے۔ لیفٹیننٹ گورنر نے مشاہدہ کیا کہ گذشتہ مالی برس میں 50,000 سے زیادہ پروجیکٹوں کی تکمیل 2018-19 میں لگ بھگ 9,200 پروجیکٹوں کے مقابلے میں جموں و کشمیر میں اچھی حکمرانی کے بارے میں بات کی ہے۔
لیفٹیننٹ گورنر نے کہا کہ’ آپ کی زمین آپ کی نگرانی ‘اور دیگر مختلف سکیموں کے فائدے پورے جموںوکشمیر یوٹی کے لوگوں تک پہنچ رہے ہیں۔
لیفٹیننٹ گورنر نے صحت شعبے کے بارے میں کہا، ”ہم لوگوں کے تاثرات کی بنیاد پر صحت کی دیکھ دیکھ کا بہترین نظام قائم کرنا چاہتے ہیں۔“اِس موقعہ پر ڈاکٹر ارون کمار مہتا چیف سیکرٹری ، پرنسپل سیکرٹری محکمہ اطلاعات روہت کنسل ، لیفٹیننٹ گورنر کے پرنسپل سیکرٹری نتیشور کمار ، دیہی ترقی اور پنچایتی راج کی اِنتظامی سیکرٹری محترمہ مندیپ کور موجود تھیں۔