سری نگر، یکم مارچ:جموں و کشمیر پولیس نے سری نگر کے صنعت نگر علاقے سے لشکر طیبہ نامی جنگجو تنظیم سے وابستہ ایک جنگجو اعانت کار کو گرفتار کرنے کا دعویٰ کیا ہے۔
پولیس ذرائع نے بتایا کہ پولیس نے سری نگر کے صنعت نگر علاقے میں منگل کی صبح لشکر طیبہ سے وابستہ ایک جنگجو اعانت کار کو گرفتار کیا۔
انہوں نے کہا کہ گرفتار شدہ جنگجو اعانت کار کی تحویل سے اے کے47 رائفل کے دس میگزین بر آمد کئے گئے۔
مذکورہ ذرائع نے بتایا کہ پولیس نے اس سلسلے میں ایک کیس درج کرکے مزید تحقیقات شروع کی ہیں۔
یو این آئی
