عادل مصطفیٰ
گاندربل، 13 نومبر: کامیاب جنگلی حیاتیات بچاؤ مہم میں وائلڈ لائف محکمہ گاندربل نے جمعہ کو گاندربل ضلع کے اندرون-درد پورہ علاقے میں ایک مادہ ریچھ کو اس کے بچے سمیت زندہ پکڑ لیا۔
حکام کے مطابق محکمہ وائلڈ لائف کی ایک سرشار ٹیم نے ضروری انتظامات کرنے کے بعد دونوں جانوروں کو پکڑنے کی کارروائی کو یقینی بنانے کے لیے مہم چلائی۔ وائلڈ لائف کنٹرول روم وائل گاندربل کے انچارج شبیر احمد خان کی قیادت میں بچاؤ مہم شروع کی۔
اس کامیاب مہم کو رہائشیوں کی حفاظت اور علاقے میں انسانی وجنگلی حیات کے تصادم کے خطرے کو کم کرنے کی جانب ایک اہم قدم کے طور پر دیکھا جا رہا ہے۔ محکمہ وائلڈ لائف کی بروقت مداخلت نے مادہ ریچھ اور اس کے بچے کو بحفاظت پکڑنے کو یقینی بناتے ہوئے ممکنہ حفاظتی خدشات کو دور کرنے میں مدد کی ہے۔
فی الحال دونوں جانوروں کو بحفاظت پکڑ کر نزدیکی جنگلات میں چھوڑ دیا گیا ہے۔
