نئی دہلی / راجیہ سبھا کے چیئرمین ایم وینکیا نائیڈو نے کورونا وبائی امراض سے پیدا ہونے والی صورتحال پر تشویش کا اظہار کرتے ہوئے ممبروں سے مون سون اجلاس کے پہلے دن سیاسی نظریات سے اوپر اٹھنے اور کورونا کی ممکنہ تیسری لہر کے پیش نظر اب تک کے تجربات کی بنیاد پر اس سیشن میں موثر طریقے سے نمٹنے کی اپیل کی سیشن کے پہلے دن اپنے افتتاحی کلمات میں مسٹر نائیڈو نے کہا کہ یہ سیشن لوگوں کے لئے ایک موقع ہے کہ وہ اپنی پریشانیوں کو دور کریں ، اپنی امنگوں اور توقعات کو پورا کریں۔

انہوں نے کہا کہ سیاسی جماعتیں ہماری جمہوریت کا مرکز ہیں اور پارلیمنٹ میں ایک سیاسی ادارہ ہونے کا کوئی مغالطہ نہیں ہے۔ لیکن یہ پارلیمنٹ کو دیئے گئے اختیار سے کہیں زیادہ ہے۔ اسے صرف ایک سیاسی مقصد کے لئے استعمال نہیں کیا جانا چاہئے۔

اس وبا سے پیدا ہونے والی صورتحال کا ذکر کرتے ہوئے چیئرمین نے ممبروں سے سیاسی نظریہ سے بالاتر ہونے کی اپیل کرتے ہوئے کہا کہ حکومت اور ایوان کی تمام پارٹیں کو گزشتہ برس جب سے وبا شروع ہوئی ہے تب سے مل کرمسئلہ کا مثبت طریقے سے غوروفکر کرنے کی ضرورت ہے۔

لوگوں کو پریشانیاں برداشت کرنے کے لئے نہیں چھوڑ سکتے۔ اس کے پیش نظر ہم سب پر ایک بہت بڑی ذمہ داری عائد ہوتی ہے۔ اس لئے مونسون اجلاس کے نتائج ایک اہم ذمہ داری ہے۔

یواین آئی۔