طیارہ ایندھن کی قیمتوں میں سات فیصد اضافہ

نئی دہلی/ ہوائی جہاز کے ایندھن کی قیمتوں میں آج سے سات فیصد اضافہ کیا گیا ہے جس کی وجہ سے ہوائی کرایوں میں اضافہ ہوسکتا ہے۔

ملک کی سب سے بڑی آئل مارکیٹنگ کمپنی انڈین آئل کارپوریشن کے مطابق قومی راجدھانی دہلی میں یکم مئی سے طیارہ ایندھن کی قیمت 61،690.28 روپے فی کلو لیٹر کردی گئی ہے۔ یہ اپریل میں 57،805.28 روپے فی کلو لیٹر تھا۔ اس طرح اس کی قیمت میں 3،885 روپے یعنی 6.72 فیصد اضافہ ہواہے

اسی طرح ممبئی میں طیارہ ایندھن 3912.75 روپے یعنی سات فیصد مہنگا ہوگیا ہے اور ہفتے کے روز سے اس کی قیمت ۔59،822.90 روپے فی کلو لیٹر ہوگئی ہے۔ اپریل میں اس کی قیمت 55،910.15 روپے فی کلو لیٹر تھی

کولکاتہ میں 6.30 فیصد اور چنئی میں 6.84 فیصد مہنگا ہوا ہے۔ کولکاتہ میں اب اس کی قیمت 66،245.74 روپے اور چنئی میں 63،095.36 روپے فی کلو لیٹر ہوگئی ہے۔
طیارہ ایندھن کی قیمتوں کا ہر ماہ جائزہ لیا جاتا ہے

پٹرول اور ڈیزل کی قیمتیں 16 ویں روز بھی مستحکم

 ملک میں پٹرول اور ڈیزل کی قیمتیں ہفتہ کے رو ز مسلسل 16 ویں روز بھی مستحکم رہیں۔ملک کی سب سے بڑی آئل مارکیٹنگ کمپنی انڈین آئل کارپوریشن کے مطابق قومی دارالحکومت دہلی میں پٹرول پیر کے روز 90.40 روپے اور ڈیزل 80.73 روپے فی لیٹر پر مستحکم رہا ۔

آئل مارکیٹنگ کمپنیوں نے گزشتہ 15 اپریل کو ان میں کٹوتی کی تھی ۔ اس کے بعد سے پھر دونوں ایندھن کی قیمتوں میں کوئی تبدیلی نہیں کی گئی ہے۔

ممبئی ، چنئی اور کولکتہ میں بھی پٹرول اور ڈیزل کی قیمتیں مستحکم رہی۔پٹرول اور ڈیزل کی قیمتوں کا روزانہ جائزہ لیا جاتا ہے اور اسی بنیاد پر ہردن صبح چھ بجے سے نئی قیمتیں نافذ ہوتی ہیں۔

ملک کے چاربڑے شہروں میں پٹرول اور ڈیزل کی قیمتیں مندرجہ ذیل ہیں ۔
شہر —— پیٹرول —   ڈیزل

دہلی —— 90.40 — 80.73

ممبئی —— 96.83 —87.81

چنئی —— 92.43 — 85.75

کولکتہ —90.62 —- 83.61