کورونا کے خلاف جیت کے لئے ایس او پیز پر عمل ضروری: دیویندر سنگھ رانا

جموں،/ نیشنل کانفرنس کے صوبائی صدر جموں دیویندر سنگھ رانا کا کہنا ہے کہ کورونا کی دوسری لہر کو روکنے کے لئے ہمیں سرکار، طبی عملے اور فرنٹ لائن فائئٹرس کے شانہ بشانہ کھڑا ہونا ہے۔
انہوں نے کہا کہ کورونا کے خلاف جیت حاصل کرنے کے لئے تمام ایس او پیر پر عمل کرنا ضروری ہے۔
ان کا کہنا تھا کہ یہ وقت ایک دوسرے پر الزامات لگانے کا نہیں بلکہ اپنی اپنی ذمہ داریوں کو نبھانے کا ہے۔
موصوف نے ان باتوں کا اظہار اپنے ایک ویڈیو پیغام میں کیا۔
انہوں نے کہا: ’کورونا ایک قومی آفت ہے، اس میں ہم سب کو مل کر سرکار، طبی عملے اور فرںٹ لائن فائیٹرس کا ساتھ دینا ہے، ان کے شانہ بشانہ کھڑا رہنا ہے۔ اس وبا کے خلاف جیت حاصل کرنے کے لئے تمام ایس او پیز پر عمل کرنا ہے‘۔
ان کا کہنا تھا کہ ماسک لگانا ضروری ہے اور ہمیں اجتماعوں میں جانے سے پرہیز کرنا چاہئے۔
موصوف نے لوگوں سے کورونا ویکسین لگوانے کی تاکید کرتے ہوئے کہا: ’ہر آدمی کو ویکسین لگوانا چاہئے۔ ہم نے ضلع اور بلاک صدور سے کہا ہے کہ وہ اس وقت پارٹی سیاست سے بالا تر ہوکر اپنے اپنے پنچایت حلقوں میں زیادہ سے زیادہ لوگوں کے ویکسین لگوانے کو ممکن بنائیں‘۔
انہوں نے کہا کہ یہ وقت ایک دوسرے پر الزامات لگانے کا نہیں ہے بلکہ اپنی اپنی ذمہ داریوں کو نبھانے کا ہے۔
مسٹر رانا نے کہا کہ کورونا کو ہرانے کے لئے ضروری ہے کہ ہم گھبراہٹ کے بجائے احتیاطی تدابیر پرعمل کریں۔
بتادیں کہ ملک بھر کے ساتھ ساتھ جموں و کشمیر میں بھی کورونا کی دوسری لہر تیزی سے پھیل رہی ہے۔
جموں وکشمیر انتظامیہ نے اس کی روک تھام کے لئے جزوی لاک ڈاؤن نافذ کیا ہے۔