شمالی کشمیر کے قصبہ سوپور میں آتشزدگی، 6 رہائشی مکان خاکستر

سری نگر،20 مارچ : شمالی کشمیر کے ایپل ٹاؤن سوپور میں ہفتے کی صبح آگ کی ایک واردات میں 6 رہائشی مکان خاکستر ہوگئے۔
سرکاری ذرائع نے بتایا کہ قصبہ سوپور کے مہاراج پورہ گاؤں میں ہفتے کی صبح ایک رہائشی مکان سے آگ نمودار ہوئی جس کے شعلوں نے متصل مکانوں کو بھی اپنی لپیٹ میں لے لیا۔
انہوں نے بتایا کہ فائر ٹنڈرس اور مقامی لوگوں کی کاوشوں سے آگ پر قابو پانے سے قبل چار رہائشی مکمل طور جبکہ دو جزوی طور پر خاکستر ہوگئے۔
ان کا کہنا تھا کہ آگ کی واردات میں کسی جانی نقصان کی کوئی اطلاع نہیں ہے۔
مذکورہ ذرائع نے بتایا کہ آگ لگنے کی وجوہات ابھی معلوم نہیں ہیں۔
دریں اثنا پولیس نے اس ضمن میں ایک کیس درج کرکے مزید تحقیقات شروع کی ہیں۔
یو این آئی ۔ا