وہاٹس ایپ کی نئی پالیسی نافذ کرنے سے روکنے کی درخواست

ئی دہلی، 19مارچ (یو این آئی) مرکزی حکومت نے جمعہ کو دہلی ہائی کورٹ سے سوشل نیٹورکنگ سائٹ وہاٹس ایپ کی نئی پرائیویسی پالیسی نافذ کرنے سے روکنے کی درخواست کی۔
مرکزی حکومت نے ہائی کورٹ میں اس سلسلہ میں ایک مفاد عامہ کی عرضی پر سماعت کے دوران یہ درخواست کی۔
الیکٹرونک اینڈ انفارمیشن ٹکنالوجی کی مرکزی وزارت نے عدالت سے کہاکہ وہاٹس ایپ کی پرائیویسی پالیسی ہندستانی قوانین کے برعکس ہے۔ نئی پرائیویسی پالیسی سے وہاٹس ایپ صارفین کو یا تو انہیں قبول کرنا ہوگا یا پھر وہاٹس ایپ سے ہٹنا ہوگا۔
یہ عرضی نوئیڈا کی باشندہ ڈاکٹر سیما سنگھ اور دہلی کے باشندہ میگھن سنگھ اور وکرم سنگھ نے دائر کی تھی۔ عرضی میں مختلف سوشل نیٹورکنگ سائٹ استعمال کرنے والوں کی پرائیویسی اور ڈاٹا کی حفاظت کرنے کی بھی مانگ کی گئی ہے۔