کابل ،: امریکہ کے خصوصی سفیر زلمی خلیل زاد ملک میں امن عمل کو آسان بنانے کے لئے اتوار کو افغانستان پہنچے۔ افغانستان میں امریکی سفارت خانے نے یہ اطلاع دی۔
افغانستان صلح کے لئے خصوصی نمائندے زلمی خلیل زاد قومی اتحاد سرکار کے لیڈروں ، سیاسی لیڈروں ، سول سوسائٹی اور خواتین کے ساتھ مشاورت کے لئے آج کابل پہنچے۔ وہ ایک جامع امن عمل کے تعلق سے امریکی کوششوں کی پیش رفت پر بات چیت کریں گے۔سفارت خانے کی جانب سے جاری بیان کے مطابق تحریک طالبان کے ساتھ امن مذاکرات ایک اہم مرحلے میں پہنچ گئے ہیں ۔جاری بیان میں کہا گیا’’ جیسا کہ امن مذاکرات ایک اہم مرحلے میں پہنچ گئے ہیں ،پورے ملک کے شہریوں کو اس کے ساتھ کس طرح شامل جائے تاکہ پائیدار امن قایم کرنے کے لئے سیاسی سمجھوتہ کیا جا سکے‘‘۔اپنے دورے کے دوران سفیر خلیل زاد افغانستان معاشرے کے تمام طبقات جیسے نوجوانوں، طالب علموں، خواتین، تاجروں، سرکاری حکام اور مذہبی رہنماؤں کے ساتھ بات چیت کریں گے۔
مسٹر خلیل زاد کے آئندہ جون میں قطر میں ہونے والی امریکی -طالبان امن مذاکرات کے آئندہ دور میں حصہ لینے کی توقع ہے۔ فریقین کی جانب سے امریکی فوجیوں کی واپسی کے لئے ایک معاہدے پر بات چیت ہو رہی ہے اور طالبان یہ ضمانت دے گا کہ افغانستان کااستعمال القاعدہ دہشت گرد گروپ (روس میں ممنوعہ قرار) کے ارکان کو پناہ دینے کے لئے نہیں کرے گا۔
اسپوتنک ۔
