ویب ڈیسک
سرینگر:سمبل باندی پورہ سانحہ کے خلاف پوری وادی میں احتجاجی لہر چھیڑ چکی ہے جبکہ واقعہ کے خلاف عوامی غم وغصہ میں شدید اضافہ دیکھنے کو مل رہا ہے ۔
مظاہرین دارالحکومت سرینگر میں جگہ جگہ سڑکوں پر نکل کر واقعہ کے خلاف سراپا احتجاج ہے ،جس دوران کئی مقامات پر مظاہرین اور فورسز کے درمیان شدید نوعیت کی پر تشدد جھڑپیں بھی ہوئیں ۔
اطلاعات کے مطابق سرینگر کے سعدہ کدل،گائو کدل، علمگری بازار اور شالیمار علاقوں میں اس سانحہ کیخلاف مظاہرے ہوئے،جس دوران کئی مقامات پر مظاہرین اور پولیس وفورسز ایکدوسرے سے الجھ پڑے ۔
مظاہرین نے مشتعل ہو کر فورسز پر پتھرائو کیا جبکہ جوابی کارروائی میں فورسز نے ٹیر گیس شلنگ کے علاوہ پیلٹ فائرنگ بھی کی ۔عینی شاہداین نے بتایا کہ فورسز کارروائیوں اور پتھارئو کے نتیجے میں کئی افراد مضروب ہوئے جنہیں اسپتال منتقل کیا گیا ۔کئی مقامات پر گاڑیوں کو بھی نقصان پہنچا۔
مظاہرین میں زیادہ تر نوجوان اور طلبہ شرکت کررہے ہیں ۔آخری اطلاعات ملنے تک درجنوں علاقوں میں بیک وقت پھوٹ پڑے احتجاجی مظاہرے ہنوز جاری ہے ۔
