سری نگر، : جموں و کشمیر کیژول ڈیلی ویجرز فورم (جے کے سی ڈی ایف) کے ارکان نے منگل کے روز سری نگر کے پریس انکلیو میں احتجاجی مظاہرہ کیا اور انہیں مستقل کرنے کا مطالبہ کیا۔
احتجاجی مظاہرین سے خطاب کرتے ہوئے فورم کے صدر سجاد احمد پرے نے نیوز ایجنسی کشمیر نیوز آبزرور (کے این او) کے مطابق کہا کہ ان کا مطالبہ ہے کہ ڈیلی ویجرز کو مستقل کرنے کے لیے تشکیل دی گئی کمیٹی اپنا وعدے کے مطابق رپورٹ پیش کرے۔
انہوں نے کہا، "حکومت کو اس معاملے کو آگے بڑھانا چاہیے اور ہمارے مسائل حل کرنے چاہئیں۔ حکومت نے مستقل کرنے کا وعدہ کیا تھا اور ہم چاہتے ہیں کہ وہ اپنا وعدہ پورا کرے۔”
انہوں نے کہا کہ ڈیلی ویجرز کی جدوجہد اور مشکلات کو اجاگر کرنے والی 16 منٹ کی ایک فلم آج دوپہر سری نگر کے ٹیگور ہال میں ریلیز کی جائے گی۔
پرے نے کہا کہ وہ 10 ستمبر کو سری نگر کے ایس کے پارک میں بھی احتجاج کریں گے۔انہوں نے کہا، "ہم اپنی پُرامن جدوجہد اس وقت تک جاری رکھیں گے جب تک حکومت ڈیلی ویجرز کے طویل عرصے سے زیرِ التوا مطالبے پر توجہ نہیں دیتی۔”
(کے این او)
