ٹرمپ نے زیلینسکی کو صدارتی انتخابات میں سبقت پر مبارکباد دی

ماسکو، 22اپریل  :  امریکہ کے صدر ڈونالڈ ٹرمپ نے پیر کو یوکرین کے صدر کے عہدہ کے انتخابات میں فولودیمیر زیلینسکی کو سبقت ملنے پر مبارکباد دی ہے۔
میڈیا رپورٹ کے مطابق مسٹر ٹرمپ نے فون پر مسٹر زیلینسکی کو انتخابات میں ملی سبقت پر مبارکباد دی۔ امریکی صدر کے علاوہ کناڈا کے وزیر خارجہ نے بھی مسٹر زیلینسکی کو مبارکباد دی اور انہوں نے دونوں ممالک کے مابین آپسی تعاون کی امید ظاہر کی۔
جارجیا کے وزیراعظم ماموکا باختادز نے مسٹر زیلینسکی کو ملی سبقت پر خوشی ظاہر کرتے ہوئے کہاکہ نومنتخب صدر فولودیمیر زیلنسکی کو مبارکباددی اور کہا کہ جارجیا پرامن اور جمہوری فیصلے میں یوکرین کے ساتھ کھڑا ہے۔
خیال رہے کہ یوکرین کے صدارتی انتخابات کے لئے ووٹوں کی گنتی جاری ہے اور 40.88فیصد بیلٹ کی گنتی کے بعد زیلینسکی 73.2فیصد ووٹ حاصل کرکے آگے چل رہے ہیں جبکہ پیراشینکو کو 24.46فیصد ووٹ ملے ہیں۔
اسپوتنک ۔