اننت ناگ :: منشیات کا کاروبار کرنے والوں کے خلاف اپنی مہم جاری رکھتے ہوئے اننت ناگ پولیس نے ڈاگپورہ کھنہ بل کے نزدیک ایک شخص جس کی شناخت مد ثر احمد نجار ولد فیاض احمد نجار ساکنہ ڈاگپورہ کے بطور ہوئی کی گرفتاری عمل میں لا کر اُس کے قبضے سے بڑی مقدار میں خشک خشخاش برآمد کرکے ضبط کیا۔ پولیس نے معاملے کی نسبت ایف آئی آر زیر نمبر 34/2019کے تحت اننت ناگ پولیس اسٹیشن میں کیس درج کرکے تحقیقات شروع کی ہے۔
پولیس نے واضح کیا ہے کہ منشیات فروشی کے ناجائز دھندے میں ملوث افراد کے خلاف قانون کے مطابق سخت کارروائی عمل میں لائی جائے گی۔پولیس کی جانب سے منشیات اور نشیلی ادویات کے خلاف چلائی جا رہی مہم کامقصد لوگوں کو منشیات سے پاک ماحول فراہم کرنا ہے۔منشیات فروش سماج کیلئے ناسور بن چکے ہیں لہذا اس بیماری کو جڑ سے اکھاڑ پھینکنے کیلئے ہر ایک کو اپنا دستِ تعاون پیش کرنا چاہئے تاکہ نوجوان نسل کو بری عادتوں میں مبتلا ہونے سے دور رکھا جاسکے۔
