جموں،: بھارتیہ جنتا پارٹی (بی جے پی) کے رکن اسمبلی وجے شرما کا لاپتہ بیٹا نئی دہلی میں مل گیا ہے۔ افسران نے بدھ کو یہ اطلاع دی۔
افسران کے مطابق، ہیرانگر اسمبلی حلقے سے بی جے پی کے رکن اسمبلی وجے شرما کا بیٹا آدتیہ شرما منگل کو لاپتہ ہو گیا تھا۔ وہ تعلیم حاصل کر رہی اپنی بہن سے ملنے نئی دہلی گیا تھا، جہاں اسے تلاش کر لیا گیا۔
انہوں نے بتایا کہ ’’اس کی بہن نے اہل خانہ کو اس کے بارے میں اطلاع دی ہے۔ اب وہ گھر واپس آ رہا ہے۔‘‘دریں اثنا، جموں و کشمیر پولیس نے لاپتہ آدتیہ کی تلاش کے لیے رات بھر مہم چلائی اور تفتیش کا دائرہ بڑھاتے ہوئے بس اڈوں اور ریلوے اسٹیشنوں سمیت مختلف مقامات پر اس کی تلاش کی۔ اس کا پتہ لگانے کے لیے سی سی ٹی وی فوٹیج کی بھی جانچ کی گئی۔
بتایا گیا ہے کہ آدتیہ منگل کی شام تقریباً 5 بجے ایک بس میں سوار ہوا تھا اور کسی نامعلوم مقام کی طرف چلا گیا تھا۔
