بی جے پی نے سوشل میڈیا ایکس پر جمعرات کو لکھا کہ 1971 کی لڑائی میں فیصلہ کن جیت کے بعد، اسی دن 1972 میں ہندوستان نے شملہ معاہدہ کیا۔ 93000 سے زیادہ پاکستانی جنگی قیدیوں اور قبضے میں لیے گئے علاقوں کے ساتھ، ہندوستان بات چیت میں بہت مضبوط پوزیشن میں تھا۔ پھر بھی، اس مضبوط پوزیشن کا فائدہ اٹھا کر اہم مسائل، خاص طور پر کشمیر کا مستقل حل نکالنے کے بجائے کانگریس کی قیادت نے صرف دوطرفہ بات چیت پر مبنی راستہ چنا۔ بی جے پی نے کہا کہ شملہ معاہدے کے دوران کانگریس کی کمزور سفارتی پالیسی، آزاد ہندوستان کے سب سے بڑے اسٹریٹجک مواقع میں سے ایک کو گنوانے کا معاملہ بنی ہوئی ہے۔
زیادہ فائدے والا وہ لمحہ دہائیوں تک بحث کا موضوع بنا رہا کہ کیا ہندوستان نے بغیر کوئی مستقل حل کے ہی بہت کچھ چھوڑ دیا۔ بی جے پی نے کہا کہ پانچ دہائیوں سے بھی زیادہ وقت کے بعد دو جولائی اور شملہ معاہدہ سفارت کاری، بات چیت اور پاکستان کے مسئلے کے حل کے تعلق سے کانگریس کی نیت پر بڑے سوالات کھڑے کرتے ہیں۔
یو این آئی
