سری نگر،: جموں و کشمیر کے وزیر اعلیٰ عمر عبداللہ نے جمعرات کو ہماچل پردیش کے کولو میں ہونے والی لینڈ سلائیڈنگ کے واقعے پر افسوس کا اظہار کیا۔
انہوں نے کہا کہ ان کا دفتر کولو میں مقامی انتظامیہ کے ساتھ رابطے میں ہے، اور ہر ممکن مدد فراہم کی جا رہی ہے۔
وزیر اعلیٰ کے دفتر کے ‘ایکس’ ہینڈل پر ایک پوسٹ میں کہا: ‘ وزیر اعلیٰ نے ہماچل پردیش کے کولو میں لینڈ سلائیڈنگ پر افسوس کا اظہار کیا ہے، جس میں جموں و کشمیر کے رہائشیوں سمیت کئی لوگوں کی موت ہوئی ہے’۔
پوسٹ میں کہا گیا: ‘ وزیر اعلیٰ کا دفتر کولو میں مقامی انتظامیہ کے ساتھ رابطے میں ہے، اور ہر ممکن مدد فراہم کی جا رہی ہے’۔
این ڈی آر ایف انڈیا کے مطابق ہماچل پردیش کے کولو میں دو مکان لینڈ سلائیڈنگ کی زد میں آگئے ہیں جس میں 12 سے 13 افراد کے پھنسنے کا خدشہ ہے
انہوں نے کہا کہ این ڈی آر ایف ٹیم بچائو آپریشن چلا رہی ہے اور اب تک ایک لاش بر آمد کی گئی ہے جبکہ 3 زخمیوں کو بچالیا گیا ہے۔
