جموں،: فوج کا کہنا ہے کہ جموں و کشمیر کے ضلع پونچھ کے بالاکوٹ سیکٹر میں لائن آف کنٹرول (ایل او سی) پر پیر کی علی الصبح دہشت گردوں کی ایک در اندازی کی کوشش کو ناکام بنا دیا گیا۔
فوج کی وائٹ نائٹ کور نے ‘ایکس’ پر ایک پوسٹ کے ذریعے جانکاری فراہم کرتے ہوئے کہا کہ فوجی جوانوں نے پیر کی صبح قریب ساڑھے پانچ بجے بالاکوٹ علاقے میں ایل او سی کے نزدیک مشتبہ نقل و حمل دیکھی۔
انہوں نے کہا کہ الرٹ جوانوں نے در اندازی کی اس کوشش کو ناکام بنانے کے لئے فائر کھول دیا۔ان کا کہنا ہے کہ تمام دستیاب ذرائع کا استعمال کرتے ہوئے علاقے پر فول پروف تسلط کو یقینی بنانے کے لیے دستوں کو دوبارہ تعینات کیا گیا ہے اور ان کی دوبارہ ترتیب دی گئی ہے۔
پوسٹ میں مزید کہا گیا کہ فوجی دستے اپنے اپنے علاقوں میں ہائی الرٹ رکھے ہوئے ہیں۔
