جموں: جموں صوبے کے کچھ حصوں میں سیلاب اور بادل پھٹنے کی وجہ سے پیدا ہونے والے خلل کے بعد ریلوے حکام نے جموں سے دہلی تک پھنسے ہوئے مسافروں کی نقل و حرکت کی سہولت کے لیے ایک خصوصی ٹرین کا انتظام کیا ہے۔
حکام نے بتایا کہ ٹرین آج صبح 11:30 بجے جموں ریلوے اسٹیشن سے روانہ ہوگی۔
ان کا کہنا تھا کہ یہ فیصلہ شدید بارش اور بادل پھٹنے سے سیلاب آنے، سڑکوں کے بنیادی ڈھانچے کو نقصان پہنچنے اور رابطہ متاثر ہونے کے بعد لیا گیا۔
صوبائی کمشنر جموں کے ‘ایکس’ ہینڈل پر کہا گیا کہ پھنسے ہوئے سیاحوں کی مدد کے لیے ایک خصوصی ٹرین جموں سے دہلی کے لیے آج صبح 11:30 بجے روانہ ہوگی۔
انہوں نے کہا کہ مسافر جموں، کٹھوعہ اور راستے میں دوسرے اسٹاپس سے ٹرین میں سوار ہو سکتے ہیں۔
بتادیں کہ جموں صوبے میں کئی راستوں پر پانی جمع ہونے، لینڈ سلائیڈنگ اور سڑکوں کو نقصان پہنچنے کی وجہ سے ٹریفک کی نقل و حمل متاثر ہوئی ہے۔
حکام کا کہنا ہے کہ ٹریفک بحال کرنے کی کوششیں جاری ہیں، اور موسمی حالات میں بہتری کے آثار دکھائی دے رہے ہیں۔
