تمل ناڈو حکومت نے مرکزی حکومت پر فنڈز روکنے کا الزام لگاتے ہوئے سپریم کورٹ سے رجوع کیا

نئی دہلی: تمل ناڈو حکومت نے مرکزی حکومت پر مختلف تعلیمی اسکیموں کے فنڈز روکنے کا الزام لگاتے ہوئے سپریم کورٹ میں ایک عرضی دائر کی ہے جس میں مرکز کو 2,291.30 کروڑ روپے ادا کرنے کی ہدایت دینے کی درخواست کی گئی ہے۔
ریاست کی دراوڑ منیتر کزگم (ڈی ایم کے) حکومت نے مرکز پر الزام لگایا ہے کہ وہ قومی تعلیمی پالیسی 2020 اور پی ایم شری کو نافذ نہ کرنے پر سمگر شکشا اسکیم کے تحت فنڈز روک رہا ہے۔

آئین کے آرٹیکل 131 کے تحت دائر کی گئی اپنی اصل عرضی میں، اس نے مرکزی حکومت کو حکم نامے کی وصولی کی تاریخ تک اس سال یکم مئی سے 2,151.59 کروڑ روپے کی اصل رقم پر چھ فیصد سالانہ کے حساب سے سود سمیت 2,291.30 کروڑ روپے ادا کرنے کی ہدایت مانگی ہے۔