غیر یقینی کے اس دور میں بھی دنیا کو ہندوستان کی تیز رفتار اقتصادی ترقی پر بھروسہ ہے: مودی

گوہاٹی/نئی دہلی: وزیر اعظم نریندر مودی نے منگل کو کہا کہ دنیا بھر میں موجودہ غیر یقینی صورتحال کے باوجود ماہرین ہندوستان کی تیز رفتار اقتصادی ترقی کے بارے میں پراعتماد ہیں مسٹر مودی نے کہا کہ یہ اعتماد ملک کی اصلاح پسند پالیسیوں، ہنر مند اور اختراعی نوجوانوں، ابھرتے ہوئے نو متوسط ​​طبقے اور سیاسی استحکام اور پالیسی کے تسلسل کے تئیں ملک کی 140 کروڑ آبادی کی حمایت پر بنایا گیا ہے۔
مسٹر مودی گوہاٹی میں آسام حکومت کی طرف سے منعقدہ گلوبل انویسٹمنٹ سمٹ – ایڈوانٹیج آسام کا افتتاح کر رہے تھے۔ کانفرنس میں دنیا بھر سے سرمایہ کار، پالیسی ساز اور سفارت کار شرکت کر رہے ہیں۔
مسٹر مودی نے کہاکہ ’’آج ہم عالمی صورتحال پر گہری نظر رکھے ہوئے ہیں۔ عالمی غیر یقینی صورتحال کے ماحول میں ایک بات یقینی ہے کہ ماہرین ہندوستان کی تیز رفتار ترقی (تیز اقتصادی ترقی) کے بارے میں پراعتماد ہیں۔‘‘
انہوں نے کہا کہ آج کا ہندوستان اگلے 25 سالوں میں ہندوستان کو ایک ترقی یافتہ ملک بنانے کے خواب کے ساتھ ایک کے بعد ایک نئے فیصلے لے رہا ہے۔ رابطے کی سہولیات کو بڑھانا۔ دنیا کو ہندوستان کی نوجوان آبادی پر بھروسہ ہے، جو تیزی سے ہنر مند اور اختراعی ہوتی جارہی ہے۔ ہندوستان میں ایک نیا متوسط ​​طبقہ ابھر رہا ہے۔
وزیر اعظم نے کہاکہ "آج ہندوستان اپنی مقامی سپلائی چین کو مضبوط بنا رہا ہے اور دنیا بھر کے مختلف شعبوں کے ساتھ آزاد تجارتی معاہدے کر رہا ہے۔ مشرقی ایشیا کے ساتھ ہمارے تعلقات مضبوط تر ہو رہے ہیں اور انڈیا-مڈل ایسٹ (مغربی ایشیا) -یورپ اکنامک کوریڈور نئے مواقع پیدا کر رہا ہے۔
وزیر اعظم نے کہا کہ ہندوستان نے اپنے مینوفیکچرنگ سیکٹر کو آگے بڑھانے کے لیے مشن موڈ میں کام کرنا شروع کر دیا ہے۔ انہوں نے کہاکہ ’’ہم میک ان انڈیا کے تحت کم لاگت کے مینوفیکچرنگ کو فروغ دے رہے ہیں۔‘‘
انہوں نے کہا کہ ہندوستان اقتصادی ترقی کے ساتھ ساتھ ماحولیاتی توازن پر بھی توجہ دے رہا ہے۔
مسٹر مودی نے کہاکہ ‘گزشتہ 10 سالوں میں ہندوستان نے پالیسی فیصلوں کے ذریعے بھی اپنی ماحولیاتی ذمہ داریوں کو پورا کیا ہے۔ دنیا ہمارے قابل تجدید توانائی کے مشن کو ایک ماڈل کے طور پر اپنا رہی ہے۔
شمال مشرقی خطہ کے بارے میں انہوں نے کہاکہ "مشرقی ہندوستان اور شمال مشرق کی سرزمین آج ایک نئے مستقبل کی صبح کرنے والی ہے۔ ایڈوانٹیج آسام کانفرنس پوری دنیا کو آسام کے امکانات اور ترقی سے جوڑنے کی ایک بڑی مہم ہے۔ ‘‘
انہوں نے کہا کہ تاریخ گواہ ہے کہ پہلے بھی شمال مشرقی ہندوستان ہندوستان کی خوشحالی میں بہت اہم کردار ادا کرتا تھا۔ آج جب ہندوستان ترقی کی طرف بڑھ رہا ہے، ایک بار پھر ہمارا شمال مشرق اپنی طاقت دکھانے والا ہے اور اس میں آسام کا حصہ مسلسل بڑھ رہا ہے۔‘‘
مسٹر مودی نے کہا کہ ایڈوانٹیج آسام کا پہلا ایڈیشن 2018 میں شروع کیا گیا تھا۔ اس وقت آسام کی معیشت تقریباً 2.75 لاکھ کروڑ روپے تھی جو اب 6 لاکھ کروڑ روپے بن چکی ہے۔ اس کا مطلب ہے کہ آسام کی معیشت بی جے پی کی حکومت میں چھ سالوں میں دوگنی ہو گئی ہے۔ اس سے ڈبل انجن والی حکومت کا دوہرا اثر ظاہر ہوتا ہے۔‘‘
اعداد و شمار کی مدد سے اپنی دلیل پیش کرتے ہوئے انہوں نے کہا کہ 2009 سے 2014 کے درمیان آسام میں ریلوے کا اوسط بجٹ 2,100 کروڑ روپے فی میل تھا۔ ہماری حکومت نے آسام کے ریلوے بجٹ کو چار گنا بڑھا کر 10,000 کروڑ روپے کر دیا ہے۔
انہوں نے کہا کہ حکومت ملک کے انفراسٹرکچر میں بھی بھاری سرمایہ کاری کر رہی ہے۔ ادارہ جاتی اصلاحات، صنعت، بنیادی ڈھانچہ اور اختراع ہندوستان کی ترقی کی بنیاد ہیں۔ اس لیے سرمایہ کار کسی بھی ملک کی صلاحیت کو دیکھتے ہیں کہ ان کی اور ملک کی ترقی کے امکانات بدل رہے ہیں۔ اس پیش رفت میں آسام میں ڈبل انجن کی رفتار بھی تیزی سے بڑھ رہی ہے۔