متوفی کی شناخت زبیر احمد کے طور پر کی گئی ہے۔
حکام نے بتایا کہ متوفی کی لاش کو طبی و قانونی لوازمات کی ادائیگی کے لئے گورنمنٹ میڈکل کالج بارہمولہ منتقل کیا گیا ہے۔انہوں نے کہا کہ آگ لگنے کی وجوہات معلوم کی جا رہی ہیں۔دریں اثنا سری نگر کے بہوری کدل علاقے میں جمعہ کی علی الصبح آگ کی ایک اور واردات میں ایک پانچ منزلہ کمرشل عمارت اور تین رہائشی مکان خاکستر ہوگئے۔متعہ محکمے کے ایک عہدیدار نے بتایا کہ آگ کو قابو میں کرنے کے لئے فائر ٹنڈرس کو جائے واردات پر بھیج دیا گیا تاہم آگ کے شعلوں نے چشم زدن میں متصل واقع مکانوں کو اپنی لپیٹ میں لے لیا تھا۔انہوں نے کہا کہ آگ کو قابو میں کرکے مزید پھیلنے سے روک دیا گیا۔ان کا کہنا تھا کہ آگ لگنے کی وجوہات معلوم کی جا رہی ہیں تاہم اس واردات میں کسی جانی نقصان کی کوئی اطلاع نہیں ہے۔
