سکندرآباد: جمعرات کو کھیلے گئے 14 ویں ہاکی انڈیا سب جونیئر خواتین قومی چمپئن شپ 2024 کے سیمی فائنل میچوں میں جھارکھنڈ نے اڈیشہ کو اور مدھیہ پردیش نے میزورم کو شکست دے کر فائنل میں داخلہ حاصل کیا۔
مدھیہ پردیش نے ساوتھ سنٹرل ریلوے اسپورٹس کمپلیکس، آر آر سی گراؤنڈ، ریل نیلائم میں منعقدہ چیمپئن شپ کے پہلے سیمی فائنل میں ہاکی میزورم کو 3-2 سے شکست دی۔ اگرچہ روتھی للمجوالی نے تیسرے منٹ میں میزورم کو ابتدائی برتری دلائی لیکن مدھیہ پردیش نے 13ویں منٹ میں ناز نوشین اور 32ویں منٹ میں روبی راٹھور کے گول کے ذریعے برتری حاصل کی۔ چوتھے کوارٹر (52ویں منٹ) میں کپتان لالٹالان چنگی نے میزورم کے لیے برابری کا گول کیا۔ اس کے بعد تنوی نے آخری منٹ (56ویں منٹ) میں گول کر کے مدھیہ پردیش کو فائنل میں پہنچایا۔
دوسرے سیمی فائنل میں جھارکھنڈ نے اوڈیشہ کی ہاکی ایسوسی ایشن کو شوٹ آؤٹ میں شکست دی۔ جھارکھنڈ نے شوٹ آؤٹ میں میچ (3-2) جیت لیا جب یہ چار کوارٹر کے بعد 1-1 سے برابر رہا۔ مانجھی پشپا (8′) نے ابتدائی گول کر کے ہاکی جھارکھنڈ کو برتری دلائی۔ انجانا زکسا (45ویں) نے ایسوسی ایشن آف اوڈیشہ کے لیے پینلٹی کارنر سے کامیابی کے ساتھ کھیل برابر کیا۔ اگلے دو کوارٹر میں دونوں جانب سے گول کرنے میں ناکامی کے بعد کھیل شوٹ آؤٹ پر چلا گیا۔ جھارکھنڈ نے ہیمروم لیون، رینا کلو اور انوپریا سورینگ کے کامیاب گول کی بدولت شوٹ آؤٹ 3-2 سے جیت لیا۔
جھارکھنڈ اور مدھیہ پردیش کے درمیان فائنل میچ جمعہ کو دوپہر ایک بجے کھیلا جائے گا۔ میزورم اور ایسوسی ایشن آف اوڈیشہ کے درمیان تیسرے/چوتھے مقام کے لیے میچ ہوگا۔
یواین آئی
