20 روزہ صفائی مہم کا آغاز ’ ہمارا شوچالے ہمارا سمّان ‘
جموں/محکمہ زراعت ، دیہی ترقی اور پنچائتی راج کے وزیر جاوید احمد ڈار نے جموں اور کشمیر کے ہر گھر کیلئے جامع صفائی کی سہولیات کو یقینی بنانے کیلئے حکومت کے عزم کا اعادہ کیا ۔ جموں کے کنونشن سینٹر میں 20 روزہ صفائی مہم ’ ہمارا شوچالے ہمارا سمّان ‘ کا آغاز کرتے ہوئے وزیر موصوف نے مرکزی حکومت کے فنڈز کے موثر استعمال کی اہمیت پر زور دیا اور صفائی کی اسکیموں کو موثر طریقے سے نافذ کرنا پنچائت سیکریٹریوں سمیت نچلی سطح کے کارکنوں کے اہم کردار پر زور دیا ۔ وزیر موصوف نے پروگرام کی رسائی کو دور دراز کے علاقوں اور اسکولوں تک بڑھانے کی ضرورت پر روشنی ڈالی اور حکومتی عہدیداروں ، این جی اوز اور مقامی اسٹیک ہولڈرز کے درمیان تعاون بڑھانے پر زور دیا ۔ مسٹر جاوید ڈار نے پورے خطے میں صفائی کے بنیادی ڈھانچے کو بہتر بنانے کی فوری ضرورت پر زور دیتے ہوئے کہا کہ اس پروگرام کو ایک مشن کے طور پر سمجھنے کی ضرورت ہے ۔ انہوں نے اس بات پر زور دیا کہ آگاہی مہم اور اس پر عمل درآمد صرف محکمانہ پروگراموں تک محدود نہیں ہونا چاہئیے بلکہ اس میں کمیونٹی کی وسیع شرکت شامل ہونی چاہئیے ۔
وزیر موصوف نے ابتدائی جائیزوں کے بعد صفائی کے مختلف منصوبوں میں ہونے والی پیش رفت پر اپنے اطمینان کا بھی اظہار کیا ۔ انہوں نے اس بات پر زور دیا کہ جموں اور کشمیر میں مکمل کوریج حاصل کرنے کیلئے مسلسل کوششوں کی ضرورت ہے ۔
دیہی ترقی اور پنچائتی راج ( آر ڈی اینڈ پی آر ) کے محکمہ کے تحت رورل سینی ٹیشن ڈائریکٹوریٹ کے زیر اہتمام ’ ہمارا شوچالے ، ہمارا سمّان ‘ مہم کا مقصد پورے خطے میں صفائی اور حفظانِ صحت کی اہمیت کے بارے میں بیداری پیدا کرنا ہے ۔ یہ مہم 19 نومبر سے 10 دسمبر 2024 تک جاری رہے گی ۔
مسٹر جاوید ڈار نے باضابطہ طور پر # toilets for dignity کے ہیش ٹیگ کے ساتھ مہم کا آغاز کیا اور لوگوں پر زور دیا کہ وہ ایک صاف ستھرا اور زیادہ باوقار معاشرہ بنانے میں بڑھ چڑھ کر حصہ لیں ۔
تقریب کے ایک حصے کے طور پر کئی قابل ذکر اشاعتیں اور ایک ویڈیو دستاویزی فلم جس میں صفائی کی سہولیات کو بہتر بنانے میں سال کی کامیابیوں کو اجاگر کیا گیا تھا ،جاری کی گئیں ۔
ایک اہم خصوصیت ایک خصوصی ایڈیشن کی مزاحیہ کتاب ، چاچا چودھری اور سوچھ بھارت کی نقاب کشائی تھی ۔
سیکرٹری دیہی ترقی اور پنچائتی راج محمد اعجاز اسد نے صفائی کے بنیادی ڈھانچے کو مضبوط بنانے میں کمیونٹی کے اہم کردار کی اہمیت پر زور دیا ۔
تقریب میں سیکرٹری آر ڈی ڈی ، ڈائریکٹر جنرل رورل سینی ٹیشن ، منیجنگ ڈائریکٹر جے آر ایل ایم ، ڈائریکٹر آر ڈی ڈی جموں ، ڈائریکٹر پنچائتی راج ، ڈائریکٹر فائنانس ، سی ای او آئی ڈبلیو ایم پی اور دیگر سینئر افسران نے شرکت کی ۔
